ភ្ញាក់ផ្អើលឆោឡោក្រោយប្រទះឃើញសល់តែគ្រោងឆ្អឹង
ខេត្តកំពង់ឆ្នាំង ៖ សពបុរសម្នាក់ត្រូវបានអ្នកចំការប្រទះឃើញក្នុងព្រៃបន្លាស្អុយរលួយស្ទើរសល់តែគ្រោងឆ្អឹង
ខេត្តកំពង់ឆ្នាំង ៖ សពបុរសម្នាក់ត្រូវបានអ្នកចំការប្រទះឃើញក្នុងព្រៃបន្លាស្អុយរលួយស្ទើរសល់តែគ្រោងឆ្អឹង
ខេត្តកំពង់ឆ្នាំង ៖ សពបុរសម្នាក់ត្រូវបានអ្នកចំការប្រទះឃើញក្នុងព្រៃបន្លាស្អុយរលួយស្ទើរសល់តែគ្រោងឆ្អឹងបណ្តាលឱ្យមានការភ្ញាក់ផ្អើលនៅវេលាម៉ោង១០និង៣០នាទីព្រឹក ថ្ងៃទី១៩ ខែមិថុនា ឆ្នាំ២០១៧ នៅចំណុចព្រែកត្រពាំង ស្ថិតក្នុងភូមិសាស្ត្រ សង្កាត់កំពង់ឆ្នាំង ក្រុងកំពង់ឆ្នាំង ខណៈម្ចាស់ចំការប្រើម៉ាស៊ីនកាប់ព្រៃបន្លាក្នុងចំការរបស់ខ្លួន ។ ក្រោយពេលប្រទះឃើញសាកសពខាងលើម្ចាស់ចំការបានរាយការដល់សមត្ថកិច្ចនគរបាល ហើយនគរបាលក្រុង និងខេត្តបានទៅដល់ចំណុចកើតហេតុ ដោយបានពិនិត្យធ្វើកោសល្យវិច្ច័យ ។ ក្រោយពីពិនិត្យធ្វើកោសល្យវិច្ច័យសមត្ថកិច្ចបានឱ្យដឹងជនរងគ្រោះមានអាយុប្រមាណជាង៤០ឆ្នាំ ស្លៀកខោគគីពណ៌ស ពាក់អាវដៃវែង ។
ជុំវិញករណីប្រទះឃើញសពមិនស្គាល់អត្តសញ្ញាណខាងលើនេះនៅម៉ោង១និង៣០នាទីរសៀល មានគ្រួសារជនរងគ្រោះទៅពិនិត្យមើលសពខាងលើហើយបានស្គាល់ច្បាស់ថា ជាសមាជិករបស់ខ្លួនដោយសំគាល់លើសម្លៀកបំពាក់ និងមានអំបោះក្រហមចងដៃស្តាំជនរងគ្រោះ ។ ក្រុមគ្រួសារជនរងគ្រោះបានឱ្យដឹងថា ជនរងគ្រោះមានឈ្មោះ សូ សំអាត អាយុ៤៨ឆ្នាំ ជាបុរសពោះ ម៉ាយរស់នៅភូមិសាលាផ្លូវវាយ ឃុំស្វាយជ្រុំ ស្រុករលាប្អៀរ មានមុខរបរជាអ្នករត់ម៉ូតូឌុប ។
ជនរងគ្រោះបានបាត់ខ្លួនកាលពីថ្ងៃទី១៣ ខែឧសភា ឆ្នាំ២០១៧ ជាមួយម៉ូតូមួយម៉ាកហុងដាឌ្រីម សេ១២៥ ស៊េរីឆ្នាំ២០១៣ មួយគ្រឿង ។ ក្រោយការបាត់ខ្លួនក្រុមគ្រួសារមិនបានប្តឹងសមត្ថកិច្ចទេគិតតែដើររកគ្រូទាយ ម្យ៉ាងវិញទៀតបុរសរងគ្រោះជាបុរសពោះម៉ាយក្រោយពេលប្រពន្ធស្លាប់ទៅបានមកជួលផ្ទះស្នាក់នៅក្នុងភូមិកណ្តាល សង្កាត់កំពង់ឆ្នាំង ដើម្បីប្រកបមុខរបររត់ម៉ូតូឌុបដែលកូនបានទិញឱ្យ គ្រាន់សម្រាប់រត់ឌុបចិញ្ចឹមជីវិត ។ សមត្ថកិច្ចនគរបាលបានសន្និដ្ឋានថា ករណីប្រទះឃើញសពបុរសរងគ្រោះស្លាប់ក្នុងព្រៃបន្លាខាងលើនេះជាករណីប្លន់យកម៉ូតូដែលពេលនេះសមត្ថកិច្ចកំពុងស្រាវជ្រាវដើម្បីចាប់ខ្លួនជនដៃដល់យកមកផ្តន្ទាទោសតាមច្បាប់ ៕
ចែករំលែកព័តមាននេះ