ប៉ូលិសអង់គ្លេសរាយការណ៍ថា មនុស្សម្នាក់ស្លា.ប់ ហើយ៨នាក់ទៀតរងរបួសក្រោយរថយន្តមួយគ្រឿងបុករះបណ្តាអ្នកដើរកាលពីយប់ថ្ងៃទី១៨ មក១៩ មិថុនា នាភាគឦសានក្រុងឡុងដ៍ ក្បែរព្រះវិហារអ៊ិស្លាមមួយ ។
ប៉ូលិសអង់គ្លេសរាយការណ៍ថា មនុស្សម្នាក់ស្លាប់ ហើយ៨នាក់ទៀតរងរបួសក្រោយរថយន្តមួយគ្រឿងបុករះបណ្តាអ្នកដើរកាលពីយប់ថ្ងៃទី១៨ មក១៩ មិថុនា នាភាគឦសានក្រុងឡុងដ៍ ក្បែរព្រះវិហារអ៊ិស្លាមមួយ ។
ក្នុងសេចក្តីប្រកាសមួយ ប៉ូលិសគូសបញ្ជាក់ថា បុរសម្នាក់ប្រកាសថា ស្លាប់នៅនឹងកន្លែងវាយប្រហារ ហើយអ្នករបួស៨នាក់ត្រូវបញ្ជូនទៅមន្ទីរពេទ្យ៣ផ្សេងគ្នា ។ ចំណែកមនុស្ស២នាក់ទៀតរបួសស្រាល ព្យាបាលនៅនឹងកន្លែង ។ ប៉ូលិសបន្តថា ការស៊ើបអង្កេតមួយត្រូវបានបើកធ្វើថាតើវាជាអំពើភេរវកម្ម ឬយ៉ាងណា ។ អ្នកបើករថយន្តបំបុកមនុស្សនេះមានអាយុ៤៨ឆ្នាំ ត្រូវបានមនុស្សម្នាចោមរោមចាប់បានប្រគល់ឱ្យប៉ូលិស ។
នាយករដ្ឋមន្ត្រីអង់គ្លេស លោកស្រី THERESA MAY ប្រកាសថា ប៉ូលិសចាត់ទុកព្រឹត្តិការណ៍នេះថាជាការវាយប្រហារភេរវកម្មមួយ ហើយបើកធ្វើកិច្ចប្រជុំបន្ទាន់មួយនាព្រឹកថ្ងៃទី១៩ មិថុនា ។
យោងតាមសមាគមអ៊ិស្លាមអង់គ្លេសជាច្រើនថា ការបុករះដោយរថយន្តកាំមីញ៉ុងធុនតូចនេះកើតមាននៅមុខព្រះវិហារអ៊ិស្លាមមួយ ។ អ្នកបើកបានបុករះបណ្តាសាសនិកអ៊ិស្លាមពេលចាកចេញពីព្រះវិហារ FINSBURY PARK ។
ព្រឹត្តិការណ៍កើតមានក្នុងពេលដែលអង់គ្លេសជួបប្រទះនឹងការវាយប្រហារភេរវកម្ម៣លើកក្នុងរយៈពេលតែ៣ខែ ក្នុងនោះមានការវាយប្រហារ២ដោយរថយន្តបំបុកមនុស្ស ៕
ចែករំលែកព័តមាននេះ