ចោរប្លន់ម៉ូតូពីគូសង្សារវ័យក្មេងបានសម្រេច
រាជធានីភ្នំពេញ ៖ គូរស្នេហ៍មួយគូរខណៈជិះម៉ូតូចេញពីផ្ទះគោលបំណងទៅភ្នំពេញដើម្បីយកអត្តសញ្ញាណប័ណ្ណ
រាជធានីភ្នំពេញ ៖ គូរស្នេហ៍មួយគូរខណៈជិះម៉ូតូចេញពីផ្ទះគោលបំណងទៅភ្នំពេញដើម្បីយកអត្តសញ្ញាណប័ណ្ណឱ្យបងប្រុសលុះជិះមកដល់ពាក់កណ្ដាលផ្លូវត្រូវបានជនសង្ស័យដែលមានគ្នា៧នាក់ ជិះម៉ូតូ៤គ្រឿងបានធ្វើសកម្មភាពកាប់ប្លន់យកម៉ូតូបានសំរេច ហេតុការណ៍នេះកើតឡើងកាល់ពីវេលាម៉ោង៨និង១០នាទីយប់ ថ្ងៃទី១៨ ខែមិថុនា ឆ្នាំ២០១៧ ចំណុចវាលស្ងាត់ផ្លូវ៦០ម៉ែត្រ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ ។
ជនរងគ្រោះដែលត្រូវគេកាប់ប្លន់យកម៉ូតូបានសំរេចមានឈ្មោះ ផុន សៀងលី ភេទប្រុស អាយុ២០ឆ្នាំ ស្នាក់នៅភូមិព្រែហូរ សង្កាត់ព្រែកហូរ ក្រុងតាខ្មៅ ខេត្តកណ្ដាល ចំណែកនារីជាសង្សារមានឈ្មោះ សុង ចាន់ណារី អាយុ១៧ឆ្នាំ មុខរបរកម្មកររោងចក្រ ស្នាក់នៅភូមិព្រែកហូរ សង្កាត់ព្រែកហូរ ក្រុងតាខ្មៅ ខេត្តកណ្ដាល ម៉ូតូដែលជនសង្ស័យកាប់ប្លន់យកទៅម៉ាកហ្ស៊ុយសុគីនិក ពណ៌ស ពាក់ស្លាកលេខ កណ្ដាល 1S-7124 ។
តាមសម្ដីជនរងគ្រោះបានឱ្យដឹងថា មុនពេលកើតហេតុរូបគេមានគ្នាពីរនាក់សង្សារបានជិះម៉ូតូចេញពីផ្ទះនៅភូមិព្រែកហូរ ខេត្តកណ្កាល គោលបំណងទៅយកអត្តសញ្ញាណប័ណ្ណឱ្យបងប្រុសនៅម្តុំផ្សារបឹងកេងកង ខណ្ឌចំការមន ដោយបានធ្វើដំណើរតាមផ្លូវ៦០ម៉ែត្រក្នុងទិសដៅពីត្បូងទៅជើង ខណៈមកដល់ពាក់កណ្ដាលផ្លូវដែលជាកន្លែងស្ងាត់ហើយងងឹតទៀតនោះក៏ស្រាប់តែមានជនសង្ស័យចំនួន៧នាក់បានជិះម៉ូតូចំនួន៤គ្រឿងមានម៉ាកហុងដាឌ្រីម ពណ៌ខ្មៅ ចំនួន២គ្រឿង និង២គ្រឿងទៀតមិនចាំម៉ាក បានជិះមកពីក្រោយបានបិទភ្លើងម៉ូតូរួចហើយជនសង្ស័យរូបនោះបានយកដាវទៅកាប់លើរូបគេដែលជាអ្នកបើកម៉ូតូ បណ្ដាលឲ្យរងរបួសដៃខាងឆ្វេង ចំណែកមិត្តស្រីរបស់គេដែលអង្គុយខាងក្រោយអត់មានរងរបួសទេ ភ្លាមៗនោះរូបគេជាជនរងគ្រោះភ័យពេកបានរត់ចោលម៉ូតូស្របពេលនោះជនសង្ស័យទាំងនោះក៏បានលើកម៉ូតូរបស់គេរួចជិះរត់គេចខ្លួនចូលទៅក្នុងក្រុងបាត់ទៅ ។ ក្រោយពេលកើតហេតុសមត្ថកិច្ចមូលដ្ឋានបានចុះទៅដល់កន្លែងកើតហេតុរួចហើយបានដឹកយកជនរងគ្រោះទាំងពីរនាក់យកទៅសាកសួរ និងដាក់ពាក្យបណ្តឹងនៅប៉ុស្តិ៍នគរបាលចាក់អង្រែក្រោមដើម្បីកំណត់មុខសញ្ញា ៕
ចែករំលែកព័តមាននេះ