Cristiano Ronaldo ចង់ចេញពីអធិរាជស Real Madrid ដោយសារបញ្ហាយាយី
ខ្សែប្រយុទ្ធឆ្នើមរបស់ Real Madrid និងជាកីឡាកររកចំណូលបានច្រើនជាងគេបំផុតក្នុងលោក Cristiano Ronaldo
ខ្សែប្រយុទ្ធឆ្នើមរបស់ Real Madrid និងជាកីឡាកររកចំណូលបានច្រើនជាងគេបំផុតក្នុងលោក Cristiano Ronaldo
ខ្សែប្រយុទ្ធឆ្នើមរបស់ Real Madrid និងជាកីឡាកររកចំណូលបានច្រើនជាងគេបំផុតក្នុងលោក Cristiano Ronaldo អាចនឹងចេញពីទឹកដីអេស្ប៉ាញក្រោយពីស្មុគស្មាញរឿងការចោទប្រកាន់គេច«ពន្ធ» ។ កីឡាករក្រុម ជម្រើសជាតិព័រទុយហ្គាល់ វ័យ៣២ឆ្នាំ Ronaldo បន្តកុងត្រាថ្មីជាមួយក្លិបស្តេចស Real Madrid រយៈពេល៥ឆ្នាំកាលពីខែវិច្ឆិកា ឆ្នាំ២០១៦ ។ ប៉ុន្តែក្រោយពីឈឺក្បាលចោទប្រកាន់គេចពន្ធតម្លៃ១៦លានដុល្លារអំឡុងឆ្នាំ២០១១-២០១៤ អាចធ្វើរូបគេសម្រេចចាកចេញពីក្លឹប ។
ក្រោយពីលេចឮព័ត៌មានចាកចេញជុំវិញរឿងគេចពន្ធរបស់ Ronaldo ធ្វើឱ្យក្លឹបៗធំដូចជា Manchester United, Chelsea, Arsenal, Manchester City, Bayern Munich និងJuventus អាចប្រជែងគ្នាដណ្តើមយករៀងៗខ្លួន ។ ដោយឡែកក្លិប Real Madrid វិញសុខចិត្តបង់ពន្ធជំនួស Ronaldo ឱ្យតែរូបគេបន្តនៅទឹកដីអេស្ប៉ាញព្រោះ Ronaldo គឺជាកីឡាករឆ្នើមក្នុងលោក ។ ម្ចាស់ពានរង្វាន់ Ballon d’Or ៤ជំនាន់ និងជាកីឡាកររកគ្រាប់បាល់បានច្រើនជាងគេនៅ Champions League កីឡាករ Ronaldo បានចូលរួមជាមួយ Real Madrid តាំងពីឆ្នាំ២០០៩ ក្រោយក្លឹបទិញពី Manchester United ក្នុងតម្លៃកំណត់ត្រាពិភពលោក៨០លានផោន ។
កីឡាករ Cristiano Ronaldo ជាគ្រាប់ពេជ្រដែលមិនអាចខ្វះបានរបស់ Real Madrid ពោលគឺរូបគេរកបានគ្រាប់បាល់សរុប ៤០៦ គ្រាប់ក្នុងចំណោមការប្រកួតចំនួន ៣៩៤ ប្រកួត ។ ចំណែកសមិទ្ធផលថ្មីសម្រាប់ឆ្នាំ២០១៧ គឺជួយឱ្យក្លឹបឈ្នះពានរង្វាន់ជើងឯកអឺរ៉ុប UEFA Champions League លើកទី១២ បន្ទាប់ពីយកឈ្នះក្លឹប Juventus 1-4 ៕
ចែករំលែកព័តមាននេះ