ចង់បំភាន់ភ្នែកសមត្ថកិច្ចផង…មានអីជាប់ខ្នោះទាំងព្រឹក
ខេត្តពោធិ៍សាត់ ៖ សមត្ថកិច្ចនគរបាលស្រុកវាលវែងបានធ្វើការឃាត់ខ្លួនមុខសញ្ញាជួញដូរ និងប្រើប្រាស់គ្រឿងញៀ.នម្នាក់
ខេត្តពោធិ៍សាត់ ៖ សមត្ថកិច្ចនគរបាលស្រុកវាលវែងបានធ្វើការឃាត់ខ្លួនមុខសញ្ញាជួញដូរ និងប្រើប្រាស់គ្រឿងញៀ.នម្នាក់
ខេត្តពោធិ៍សាត់ ៖ សមត្ថកិច្ចនគរបាលស្រុកវាលវែងបានធ្វើការឃាត់ខ្លួនមុខសញ្ញាជួញដូរ និងប្រើប្រាស់គ្រឿងញៀនម្នាក់រួមជាមួយវត្ថុតាងថ្នាំញៀនចំនួន២៦កញ្ចប់តូចកាលពីវេលាម៉ោង៩និង២៥នាទីព្រឹកថ្ងៃទី១៧ ខែមិថុនា ឆ្នាំ២០១៧ នៅលើដងផ្លូវស្ថិតក្នុងភូមិចំការជ្រៃខាងត្បូង ឃុំអន្លង់រាប ស្រុកវាលវែង ខណៈមកទទួលយកអីវ៉ាន់ពីរថយន្ដតាក់ស៊ី ។
តាមប្រភពពីសមត្ថកិច្ចបានឲ្យដឹងថា ជនសង្ស័យឈ្មោះ សុខ សុគុន ភេទប្រុស អាយុ៣៥ឆ្នាំ មានទីលំនៅភូមិដីក្រហម ឃុំអន្លង់រាប នោះដែរ ។ ជននេះជាមុខសញ្ញាជួញដូរ និងចែកចាយគ្រឿងញៀនដែលសមត្ថកិច្ចតាមដានជាយូរមកហើយ ។ រហូតនៅព្រឹកនោះរថយន្ដតាក់ស៊ីមួយគ្រឿងបានធ្វើដំណើរពីស្រុកភ្នំក្រវាញទៅកាន់ឃុំថ្មដា ស្រុកវាលវែង ដោយមានដឹកអីវ៉ាន់ និងអ្នកជិះមួយចំនួនទៀត ។ មកដល់ផ្លូវបំបែកភូមិចំការជ្រៃខាងត្បូង ឃុំអន្លង់រាប រថយន្ដបានឈប់ដើម្បីដាក់អ្នកដំណើរចុះហើយបានទូរស័ព្ទហៅជនសង្ស័យឲ្យមកយកអីវ៉ាន់មួយថង់ដូចច្រកអាវឬខោយ៉ាងអញ្ចឹងដែលមានសរសេរលេខទូរស័ព្ទផងដែរ ដែលអីវ៉ាន់នេះគេផ្ញើរមកពីស្រុកភ្នំក្រវាញ ។
នៅពេលជនសង្ស័យមកយកសមត្ថកិច្ចនៅទីនោះឃើញមានការសង្ស័យក៏សុំឆែកមើលស្រាប់តែឃើញម្ស៉ៅក្រាមសថ្លាដែលជាសារធាតុញៀនប្រភេទម៉ាទឹកកកចំនួន២៦កញ្ចប់ក៏ធ្វើការឃាត់ខ្លួនតែម្ដង ។ ជនសង្ស័យ និងវត្ថុតាងសមត្ថកិច្ចបានកសាងសំណុំរឿងបញ្ជូនទៅសាលាដំបូងដើម្បីចាត់ការបន្តតាមនីតិវិធី ៕
ចែករំលែកព័តមាននេះ