ដឹងហើយឮហើយនៅតែប្រព្រឹត្ត
រាជធានីភ្នំពេញ ៖ ជនសង្ស័យចំនួន៥នាក់បានប្រើប្រាស់ និងជួញដូរគ្រឿងញៀ.នដោយខុសច្បាប់
រាជធានីភ្នំពេញ ៖ ជនសង្ស័យចំនួន៥នាក់បានប្រើប្រាស់ និងជួញដូរគ្រឿងញៀ.នដោយខុសច្បាប់
រាជធានីភ្នំពេញ ៖ ជនសង្ស័យចំនួន៥នាក់បានប្រើប្រាស់ និងជួញដូរគ្រឿងញៀនដោយខុសច្បាប់ ត្រូវបានប៉ូលិសចាប់ខ្លួនបាន និងដកហូតសម្ភារសម្រាប់សេពគ្រឿងញៀនមួយចំនួន កាលពីវេលាម៉ោង១៥និង៣០នាទីរសៀលថ្ងៃទី១៧ ខែមិថុនា ឆ្នាំ២០១៧ ស្ថិតនៅក្នុងបន្ទប់ជួលភូមិគល់ សង្កាត់កន្ទោក ខណ្ឌពោធិ៍សែនជ័យ ។
ជនសង្ស័យទាំង៥នាក់ទី១-ឈ្មោះ យឹម រ៉ា ភេទប្រុស អាយុ៣១ឆ្នាំ មុខរបរបើកបររថយន្តស្នាក់នៅភូមិគល់ សង្កាត់កន្ទោក, ទី២-ឈ្មោះ ឈឹម សារ៉ាន់ ភេទប្រុស អាយុ២២ឆ្នាំ មុខរបរកម្មករ មានទីលំនៅភូមិអង្ក្រង ឃុំរលាំងកែន ស្រុកកណ្តាលស្ទឹង ខេត្តកណ្តាល, ទី៣-ឈ្មោះ យ៉ាង ផាណា ភេទប្រុស អាយុ២៣ឆ្នាំ មុខរបរកម្មករ មានទីលំនៅភូមិត្រពាំងពោធិ សង្កាត់គោករកា ខណ្ឌព្រែកព្នៅ, ទី៤-ឈ្មោះ សូត្រ សុខជា ភេទប្រុស អាយុ៤០ឆ្នាំ មុខរបរមិនពិតប្រាកដ មានទីលំនៅភូមិព្រៃកុដិ សង្កាត់កំបូល និងទី៥-ឈ្មោះ សួន រ័ត្ន ភេទប្រុស អាយុ២៧ឆ្នាំ មុខរបរកម្មកររោងចក្រ ស្នាក់នៅភូមិគល់ សង្កាត់កន្ទោក ខណ្ឌពោធិ៍សែនជ័យ ជាម្ចាស់បន្ទប់ ។
តាមនគរបាលបានឲ្យដឹងថា បន្ទាប់ពីពលរដ្ឋរាយការណ៍ជុំវិញសភាពការណ៍ក្នុងមូលដ្ឋាន ដើម្បីភូមិ-ឃុំមានសុវត្តិភាពល្អទើបកម្លាំនគរបាលប៉ុស្តិ៍ចុះទៅដល់ទីតាំងខាងលើបង្ក្រាបចាប់ខ្លួនបាន៥នាក់ ដកហូតសម្ភារសេពគ្រឿងញៀនមួយចំនួនទៀត ។ ក្រោយពីឃាត់ខ្លួនបាន ជនសង្ស័យនាំទៅសាកសួរនៅប៉ុស្តិ៍នគរបាលកន្ទោកហើយបានកសាងសំណុំរឿងបន្តបញ្ជូនទៅផ្នែកជំនាញនៃអធិការដ្ឋាននគរបាលខណ្ឌពោធិ៍សែនជ័យដើម្បីចាត់ការបន្ត ៕
ចែករំលែកព័តមាននេះ