រាជធានីភ្នំពេញ ៖ មុខសញ្ញាចែកចាយ និងប្រើប្រាស់ថ្នាំញៀន៤នាក់ រួមជាមួយថ្នាំញៀន២៣កញ្ចប់ ត្រូវបានកម្លាំងកងរាជអាវុធហត្ថខណ្ឌមានជ័យ ធ្វើការបង្ក្រាបបាននៅចំណុចភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១៤និង៣០នាទីរសៀល ថ្ងៃទី១៧ ខែមិថុនា ឆ្នាំ២០១៧ ។
រាជធានីភ្នំពេញ ៖ មុខសញ្ញាចែកចាយ និងប្រើប្រាស់ថ្នាំញៀន៤នាក់ រួមជាមួយថ្នាំញៀន២៣កញ្ចប់ ត្រូវបានកម្លាំងកងរាជអាវុធហត្ថខណ្ឌមានជ័យ ធ្វើការបង្ក្រាបបាននៅចំណុចភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ កាលពីវេលាម៉ោង១៤និង៣០នាទីរសៀល ថ្ងៃទី១៧ ខែមិថុនា ឆ្នាំ២០១៧ ។
ជនសង្ស័យទាំង៤នាក់មានឈ្មោះ ទី១.សេង ស៊ុននី ហៅ អាខ្មោច ភេទប្រុស អាយុ២៥ឆ្នាំ មុខរបរមិនពិតប្រាកដ ទី២.សេង ប៊ុនធឿន ហៅ អាយ៉ាន់ អាយុ១៨ឆ្នាំ មុខរបរមិនពិតប្រាកដ ទី៣.សេង ស៊ីណាត ភេទប្រុស អាយុ៣២ឆ្នាំ មុខរបរមិនពិតប្រាកដ ទី៤.ពៅ ណាង ភេទប្រុស អាយុ១៨ឆ្នាំ មុខរបរមិនពិតប្រាកដ ។ លោកអនុសេនីយ៍ឯក ណុល សុធា មេបញ្ជាការរងកងរាជអាវុធហត្ថខណ្ឌមានជ័យ ឲ្យដឹងថា មុនឈានដល់ការបង្ក្រាប កម្លាំងអាវុធហត្ថជំនាញបានបើកការស្រាវជ្រាវ រហូតកំណត់បានច្បាស់ពីទីតាំងជាក់លាក់របស់ជនសង្ស័យ ទើបបើកការចុះបង្ក្រាបបានជាក់ស្តែងតែម្តង ដោយដកហូតបានថ្នាំញៀន២៣កញ្ចប់ និងឧបករណ៍ប្រើប្រាស់មួយចំនួនផងដែរ ។
ក្រោយការឃាត់ខ្លួន ជនសង្ស័យក៏ដូចជាវត្ថុតាង ត្រូវបានបញ្ចូនទៅកាន់ការិយាល័យប្រឆាំងបទល្មើសគ្រឿងញៀន នៃទីបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីបន្តនីតិវិធី ៕
ចែករំលែកព័តមាននេះ