ខ្លាំងប៉ះខ្លាំង Floyd ប្រកាសថ្ងៃប្រកួតជាមួយ McGregor
អតីតម្ចាស់ជើងឯកប្រដាល់លំដាប់ពិភព លោក Floyd Mayweather បានប្រកាសជាសាធារណៈថា រូបលោកនឹងឡើងសង្វៀនប្រកួតជាមួយជើងខ្លាំងមកពីស្ថាប័នកីឡាប្រដាល់ UFC កីឡាករ Conor McGregor នៅ
អតីតម្ចាស់ជើងឯកប្រដាល់លំដាប់ពិភព លោក Floyd Mayweather បានប្រកាសជាសាធារណៈថា រូបលោកនឹងឡើងសង្វៀនប្រកួតជាមួយជើងខ្លាំងមកពីស្ថាប័នកីឡាប្រដាល់ UFC កីឡាករ Conor McGregor នៅថ្ងៃទី២៦ សីហា ខាងមុខនេះ នៅលើទឹកដីក្រុង Las Vegas សហរដ្ឋអាមេរិក ។
ក្នុងជំនួបរវាងកំពូលកីឡាករទាំងពីរនេះ ត្រូវបានគេរាយការណ៍ឱ្យដឹងថា កីឡាករម្នាក់ៗអាចនឹងទទួលបានទឹកប្រាក់រហូតដល់១០០លានដុល្លារពីការប្រកួត ហើយវាក៏ត្រូវបានគេចាត់ទុកថាជាការប្រកួតដែលមានប្រាក់ឈ្នួលច្រើនបំផុតផងដែរក្នុងប្រវត្តិសាស្ត្រកីឡាប្រដាល់ ។
គួររំលឹកថា កំពូលកីឡាករប្រដាល់មិនធ្លាប់ចាញ់វ័យ៤០ឆ្នាំ Floyd Mayweather បានសម្រេចចិត្តដើរចេញពីអាជីពប្រដាល់កាលពីខែកញ្ញា ឆ្នាំ២០១៥ បន្ទាប់ពីរូបលោកក្លាយជាម្ចាស់ខ្សែក្រវាត់ជើងឯកលំដាប់ពិភពលោកជាច្រើនមកពី៥ស្ថាប័នផ្សេងៗគ្នាក្នុងនោះមានដូចជាស្ថាប័ន Super Featherweight, Lightweight, Light welterweight, Welterweight និង Light Middleweight ។
រីឯជើងខ្លាំងមកពី UFC កីឡាករ McGregor ទើបតែមានអាយុ២៨ឆ្នាំប៉ុណ្ណោះ ប៉ុន្តែបទពិសោធន៍ប្រកួតលើរេញមានច្រើន ដោយសារតែកីឡាករសញ្ជាតិអៀរឡង់រូបនេះប្រឡូកក្នុងវិស័យកីឡាប្រដាល់តាំងពីឆ្នាំ២០០៨មកម្ល៉េះ ។
ចំពោះប្រវត្តិប្រកួតចំនួន២៤ដង ឈ្នះ២១ដងចាញ់៣ដង និងផ្តួលគូប្រកួតឱ្យសន្លប់១៨ដង ៕
ចែករំលែកព័តមាននេះ