រាជធានីភ្នំពេញ ៖ ទីតាំងកត់ឆ្នោតវៀតណាមមួយកន្លែងជ្រកក្រោមអាជីវកម្មឆ្នោតខ្មែរ នៅចំណុចផ្ទះលេខ១៨៥H ផ្លូវបេតុង ភូមិក្រោលគោ សង្កាត់គីឡូម៉ែត្រលេខ៦ ត្រូវនគរបាលខណ្ឌឬស្សីកែវចុះបង្ក្រាប ដោយឃាត់ខ្លួនអ្នកកត់ឆ្នោតម្នាក់ ។
ការបង្ក្រាបល្បែងស៊ីសងកន្ទុយលេខនេះ ធ្វើឡើងកាលពីវេលាម៉ោង០២រសៀល ថ្ងៃទី១៥ខែមិថុនា ឆ្នាំ២០១៧ ដោយមានការសម្របសម្រួលពីសំណាក់លោកស្រីព្រះរាជអាជ្ញារង វង្ស ប៊ុនវិសុទ្ធ ។
អ្នកកត់ឆ្នោតដែលត្រូវឃាត់ខ្លួនឈ្មោះ ស៊ីន ពិសិដ្ឋ ភេទប្រុស អាយុ២៧ឆ្នាំ ស្នាក់នៅទីតាំងខាងលើ ។ វត្ថុតាងដកហូតរួមមានក្រដាសសម្រាប់កត់ឆ្នោតវៀតណាមមួយចំនួន ត្រាសម្រាប់វាយថ្ងៃខែឆ្នាំចំនួន០១ ប៊ិចចំនួន០៤ដើម ម៉ាស៊ីនគិតលេខចំនួន០១ ស៊េរីចេញឆ្នោតមួយចំនួន និងប្រាក់ចំនួន៥០០០០រៀល ៕
ចែករំលែកព័តមាននេះ