រាជធានីភ្នំពេញ ៖ យុវជន២ក្រុមវាយតប់គ្នាដោយសារតែរឿងទៅខ្ចីម៉ូតូជិះមិនបាន និងរឿងចូលទៅជក់ថ្នាំញៀន បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ច កាលពីវេលាម៉ោង១០និង២០នាទីយប់ ថ្ងៃទី១៥ ខែមិថុនា ឆ្នាំ២០១៧ តាមបណ្ដោយផ្លូវ២៧១ ទល់មុខស្ថានីយ៍ប្រេងឥន្ធនៈតូតាល់ ស្ថិតក្នុងភូមិមានជ័យ សង្កាត់ស្ទឹងមានជ័យ ខណ្ឌមានជ័យ ។
រាជធានីភ្នំពេញ ៖ យុវជន២ក្រុមវាយតប់គ្នាដោយសារតែរឿងទៅខ្ចីម៉ូតូជិះមិនបាន និងរឿងចូលទៅជក់ថ្នាំញៀន បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ច កាលពីវេលាម៉ោង១០និង២០នាទីយប់ ថ្ងៃទី១៥ ខែមិថុនា ឆ្នាំ២០១៧ តាមបណ្ដោយផ្លូវ២៧១ ទល់មុខស្ថានីយ៍ប្រេងឥន្ធនៈតូតាល់ ស្ថិតក្នុងភូមិមានជ័យ សង្កាត់ស្ទឹងមានជ័យ ខណ្ឌមានជ័យ ។
ជនបង្កមានឈ្មោះ អូ សីហា ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅក្បែរកន្លែងកើតហេតុ ជាមនុស្សបែកថ្នាំ ត្រូវម្ដាយចាប់ដាក់មណ្ឌលកែប្រែអស់ជាច្រើនដងមកហើយ ។ ចំណែកជនរងគ្រោះមានឈ្មោះ រិន ចាន់ ភេទប្រុស អាយុ២៤ឆ្នាំ មុខរបរកម្មករលើកបន្លែនៅផ្សារដើមគរ ស្នាក់នៅភូមិមានជ័យ សង្កាត់ស្ទឹងមានជ័យ ខណ្ឌមានជ័យ និងមានបងប្អូនបក្សពួកជនរងគ្រោះ២នាក់ទៀត ទី១.ឈ្មោះ សល់ សាម៉ុន ភេទប្រុស អាយុ២២ឆ្នាំ មុខរបរលក់ដូរចាប់ហ៊ូយ ស្នាក់នៅកន្លែងកើតហេតុខាងលើ ជាអ្នកកាន់ដំបង ទី២.ឈ្មោះ ហួរ តាក់ ភេទប្រុស អាយុ២៥ឆ្នាំ មុខរបរកម្មករលើកបន្លែ ស្នាក់នៅជាមួយជនរងគ្រោះ ជាអ្នកកាន់កាំបិត ។ បើតាមសម្ដីយុវជនរងគ្រោះបានប្រាប់ឲ្យដឹងថា នៅមុនកើតហេតុ រូបគេ និងឈ្មោះ ហួរ តាក បានជិះម៉ូតូម៉ូតូមួយគ្រឿងម៉ាក សង់កូរ៉េ ពណ៌ក្រហម គ្មានស្លាកលេខ មកពីផ្ទះបំណងទៅដេកយាមតូបលក់មួកជាមួយបងនៅកន្លែងកើតហេតុ ពីព្រោះបងដែលជាម្ចាស់តូបលក់មួក ជាប់រវល់ទៅកម្មវិធីជប់លៀង ។ ខណៈពេលដែលជនរងគ្រោះមកដល់ ស្រាប់តែតូបនោះ បានចាក់សោជាប់មិនអាចចូលបាន ។ បន្ទាប់មកជនរងគ្រោះ ក៏បានអង្គុយលេងនៅមុខដើម្បីរង់ចាំឈ្មោះ សល់ សាម៉ុន យកសោមកឲ្យ ហើយក៏មានជនបង្កឈ្មោះ អូ សីហា ដែលជនរងគ្រោះមិនធ្លាប់ស្គាល់ពីមុនមក បានដើរមកអង្គុយលើម៉ូតូ និងខ្ចីម៉ូតូរបស់ជនរងគ្រោះជិះ តែជនរងគ្រោះមិនឲ្យ ។ ស្រាប់តែមួយស្ទុះក្រោយមក ខណៈពេលដែលជនរងគ្រោះកំពុងនិយាយទូរស័ព្ទជាមួយសង្សារ ក៏ត្រូវជនបង្កយកដុំឥដ្ឋការ៉ូ មកវាយក្បាលពីក្រោយ បណ្ដាលឲ្យបែកក្បាល ភ្លាមៗនោះជនរងគ្រោះក៏បានស្រែកឲ្យជួយ បណ្តាលឲ្យបក្សពួកជនរងគ្រោះខាងលើបានចេញមក ហើយយកកាំបិត និងដំបងឈើជ្រុងរៀប នឹងកាប់ចាក់គ្នា រួចជនបង្កក៏បានរត់ទៅពួនសម្ងំនៅក្នុងផ្ទះរបស់គេ ហើយត្រូវបានប្រជាពលរដ្ឋ និងសមត្ថកិច្ចនគរបាលចុះជួយអន្តរាគមន៍ ដកហូតបានកាំបិតមួយដើម្បី និងឈើជ្រុងមួយដើម ។ បើតាមសម្តីពីបុរសដែលជាជនបង្កបានដឹងថា រូបគេពិតជាបានវាយទៅលើជនរងគ្រោះពិតមែន ព្រោះមកពីខឹងជនរងគ្រោះ ដែលមិនឲ្យរូបគេអង្គុយយាមម៉ូតូ ដើម្បីឲ្យជនរងគ្រោះចូលទៅជក់ថ្នាំ ហើយទប់កំហឹងមិនបាន ក៏រើសឥដ្ឋការ៉ូវាយទៅលើជនរងគ្រោះតែម្តងទៅ ។
ហេតុការណ៍ខាងលើនេះ បង្កឲ្យមានភាពរញ៉េរញ៉ៃឈ្លោះប្រកែកគ្នាទៅវិញទៅមក និងបានចោទប្រកាន់ថា ទាំងជនរងគ្រោះ និងជនបង្កសុទ្ធតែជាមនុស្សញៀនថ្នាំដូចគ្នា ត្រូវឃាត់ទាំងអស់គ្នាតែម្ដង ។ បច្ចុប្បន្នជនបង្ក និងជនរងគ្រោះរួមទាំងបក្សពួក ត្រូវបានសមត្ថកិច្ចឃាត់ខ្លួនយកទៅកាន់ប៉ុស្ដិ៍នគរបាលរដ្ឋបាលស្ទឹងមានជ័យ ដើម្បីសាកសួរ និងកសាងសំណុំរឿងចាត់ការតាមផ្លូវច្បាប់ ៕
ចែករំលែកព័តមាននេះ