រាជធានីភ្នំពេញ ៖ បុរសម្នាក់សង្ស័យបែកថ្នាំ បានឡើងលើដំបូលផ្ទះប្រជាពលរដ្ឋផ្លោះពីមួយទៅ បង្កឲ្យមានការភ្ញាក់ផ្អើល កាលពីវេលាម៉ោង០១និង៣០រំលងអធ្រាត្រឈានចូល ថ្ងៃទី១៦ ខែមិថុនា ឆ្នាំ២០១៧ នៅផ្លូវបេតុង ភូមិឬស្សី៣ សង្កាត់ស្ទឹងមានជ័យ ខណ្ឌមានជ័យ ។
រាជធានីភ្នំពេញ ៖ បុរសម្នាក់សង្ស័យបែកថ្នាំ បានឡើងលើដំបូលផ្ទះប្រជាពលរដ្ឋផ្លោះពីមួយទៅមួយ បង្កឲ្យមានការភ្ញាក់ផ្អើល កាលពីវេលាម៉ោង០១និង៣០រំលងអធ្រាត្រឈានចូល ថ្ងៃទី១៦ ខែមិថុនា ឆ្នាំ២០១៧ នៅផ្លូវបេតុង ភូមិឬស្សី៣ សង្កាត់ស្ទឹងមានជ័យ ខណ្ឌមានជ័យ ។
តាមសម្តីប្រជាពលរដ្ឋបានឲ្យដឹងថា មុនពេលកើតហេតុ ពួកគាត់កំពុងតែសម្រាន្តលង់លក់ ខណៈពេលនោះ ក៏ស្រាប់តែលឺសំឡេងសំរឹបជើងលើដំបូលផ្ទះរបស់ពួកគាត់ ស្របពេលនោះដែរ ពួកគាត់ក៏បាននាំគ្នាបើកទ្វារផ្ទះចេញមកក្រៅ ក៏ស្រាប់តែឃើញបុរសម្នាក់មិនស្គាល់អត្តសញ្ញាណ បានឡើងលើដំបូលផ្ទះ ទាំងសភាពភ័យស្លន់ស្លោ ស្រែករវើរវាយ រួចហើយបានផ្លោះពីដំបូលផ្ទះមួយទៅដំបូលផ្ទះមួយ ឃើញដូច្នេះពួកគេបានហៅឲ្យចុះ តែបុរសរូបនោះមិនព្រមចុះនោះទេ ឃើញសភាពដូចនេះ ពួកគាត់បានរាយការណ៍ទៅដល់នគរបាលប៉ុស្តិ៍ស្ទឹងមានជ័យឲ្យចុះទៅមើល ។
លុះដល់សមត្ថកិច្ចទៅដល់បាននិយាយលួងលោម ទើបបុរសរូបនោះព្រមចុះមកក្រោមវិញទាំងសភាពភ័យស្លន់ស្លោ រួចហើយក៏បាននាំខ្លួនបុរសរូបនោះ មកធ្វើសាកសួរនៅប៉ុស្តិ៍នគរបាលស្ទឹងមានជ័យ ៕
ចែករំលែកព័តមាននេះ