ឃាត់ខ្លួនយុវជន០៣នាក់ ប្រមូលផ្តុំគ្នាប្រើប្រាស់គ្រឿងញៀ.ន
រាជធានីភ្នំពេញ ៖ យុវជន០៣នាក់ត្រូវកម្លាំងនគរបាលប៉ុស្តិ៍រដ្ឋបាលឃ្មួញ ឃាត់ខ្លួនកាលពីម៉ោង១០និង៣០នាទីព្រឹក ថ្ងៃទី១៥ ខែមិថុនា ឆ្នាំ២០១៧ ខណៈដែលប្រមូលផ្តុំគ្នា
រាជធានីភ្នំពេញ ៖ យុវជន០៣នាក់ត្រូវកម្លាំងនគរបាលប៉ុស្តិ៍រដ្ឋបាលឃ្មួញ ឃាត់ខ្លួនកាលពីម៉ោង១០និង៣០នាទីព្រឹក ថ្ងៃទី១៥ ខែមិថុនា ឆ្នាំ២០១៧ ខណៈដែលប្រមូលផ្តុំគ្នា ប្រើប្រាស់គ្រឿងញៀននៅចំណុចផ្ទះសង់ថ្មី ផ្លូវលំ ភូមិសំរោង សង្កាត់ឃ្មួញ ខណ្ឌសែនសុខ។ ជនសង្ស័យប្រើប្រាស់គ្រឿងញៀន១.ឈ្មោះ គង់ ភក្តី អាយុ២៦ឆ្នាំ ទី២.ឈ្មោះ គង់ សំដារ៉ា អាយុ២៣ឆ្នាំ,និងទី៣.ឈ្មោះ ណុច ចាន់ថនអាយុ២៦ឆ្នាំ ស្នាក់នៅភូមិឃ្មួញ សង្កាត់ឃ្មួញ ខណ្ឌសែនសុខ។
តាមនគរបាលមូលដ្ឋាន បានឲ្យដឹងថា នៅមុនពេលចាប់ខ្លួន មានប្រជាពលរដ្ឋបានរាយការណ៍ ពីសមាសភាពជនសង្ស័យ ដែលតែងតែប្រមូលផ្តុំគ្នា ប្រើប្រាស់គ្រឿងញៀននៅក្នុងភូមិ។ បន្ទាប់ពីទទួលបានព័ត៌មានសមត្ថកិច្ចនគរបាលប៉ុស្តិ៍ ក៍បានរាយការណ៍ សុំគោលការណ៍ពីលោកអធិការខណ្ឌ ចុះទៅធ្វើរដ្ឋបាលឆែកឆេរ ផ្ទះជនសង្ស័យក៏បានឃាត់ខ្លួនតែម្តង ព្រមទាំងដកហូតបានឧបករណ៍សម្រាប់ប្រើប្រាស់គ្រឿងញៀនមួយចំនួន។ តាមការត្រួតពិនិត្យទឹកនោម ជនសង្ស័យទាំងនោះសុទ្ធតែផ្ទុកសារធាតុញៀន។ ជនសង្ស័យ ត្រូវបាននាំខ្លួន បញ្ជូនទៅកាន់អធិការដ្ឋានខណ្ឌសែនសុខ ដើម្បីសាកសួរ និងចាត់ការតាមច្បាប់៕
ចែករំលែកព័តមាននេះ