ឃាត់ខ្លួនជនសង្ស័យម្នាក់ ប៉ងធ្វើសកម្មភាពលួចម៉ូតូមិនបានសម្រេច
រាជធានីភ្នំពេញ ៖ ជនសង្ស័យម្នាក់ក្នុងចំណោមបក្ខពួក២នាក់ ត្រូវបានកម្លាំងនគរបាលប៉ុស្តិ៍ឫស្សីកែវ សហការណ៍ជាមួយកម្លាំងប្រជាការពារសង្កាត់
រាជធានីភ្នំពេញ ៖ ជនសង្ស័យម្នាក់ក្នុងចំណោមបក្ខពួក២នាក់ ត្រូវបានកម្លាំងនគរបាលប៉ុស្តិ៍ឫស្សីកែវ សហការណ៍ជាមួយកម្លាំងប្រជាការពារសង្កាត់ ឃាត់ខ្លួនកាលពីវេលាម៉ោង៨និង៣០នាទីព្រឹក ថ្ងៃទី១៥ ខែមិថុនា ឆ្នាំ២០១៧ ខណៈដែលធ្វើសកម្មភាពប៉ុនប៉ងលួចម៉ូតូមួយគ្រឿង នៅចំណុចផ្ទះកាត់សក់មួយកន្លែង លេខ៧៧៦ ផ្លូវជាតិលេខ៥ ក្នុងភូមិមិត្តភាព សង្កាត់ឫស្សីកែវ ខណ្ឌឫស្សីកែវ មិនបានសម្រេច។ បន្ទាប់ពីឃាត់ខ្លួន សមត្ថកិច្ចដកហូតសម្ភារដែកចុងស្រួច និងសោអក្សតេ សម្រាប់ធ្វើសកម្មភាពលួចកាចកម៉ូតូ។ ជនសង្ស័យដែលត្រូវឃាត់ខ្លួន ឈ្មោះ នេត សម្បត្តិ ភេទប្រុស អាយុ២៥ឆ្នាំ ស្នាក់នៅបន្ទប់ជួល ជាមួយបងបង្កើតក្នុងភូមិមិត្តភាព សង្កាត់ឫស្សីកែវ។ ចំណែកបក្ខពួកម្នាក់ទៀតដែលរត់គេចខ្លួន ឈ្មោះ អាឆ្អឹង ភេទប្រុស អាយុ២៤ឆ្នាំ។
តាមនគរបាលបានឲ្យដឹងថា នៅវេលាម៉ោង៧ព្រឹកថ្ងៃទី១៥ មានបុរសជាជាងកាត់សក់ម្នាក់ បានជិះម៉ូតូមួយគ្រឿង ម៉ាកហុងដាឌ្រីម ស៊េរី២០១៤ព ណ៌ខ្មៅ មិនចាំស្លាកលេខមកចតទុកនៅមុខផ្ទះកន្លែងកើតហេតុ រួចបានបើកតូបកាត់សក់។ ខណៈដែលកំពុងតែដេកលេង លើអីកៅស្រាប់តែមានជនសង្ស័យ២នាក់ ធ្វើដំណើរដោយថ្មើរជើង មកអង្គុយលេងលើម៉ូតូ ហើយប្រុងធ្វើសកម្មភាពលួចម៉ូតូ គាប់ជួនពេលនោះកម្លាំងនគរបាលប៉ុស្តិ៍ និងកម្លាំងប្រជាការពារសង្កាត់ឫស្សីកែវជិះល្បាតនៅក្នុងមូលរដ្ឋានប្រទះឃើញក៏ឃាត់ខ្លួនបានម្នាក់ ឆែកឆេររកឃើញដែកចុងស្រួច និងដែកអក្សរតេសម្រាប់ធ្វើសកម្មភាពកាច់កម៉ូតូ។ រីឯជនសង្ស័យនាំខ្លួនទៅកាន់អធិការដ្ឋាននគរបាលខណ្ឌឬស្សីកែវ ដើម្បីចាត់ការតាមច្បាប់៕
ចែករំលែកព័តមាននេះ