រាជធានីភ្នំពេញ ៖ តារាចម្រៀងកញ្ញាស៊ូ ដាណេ ទើបតែត្រឡប់មកពីសម្តែងនៅបារាំងវិញ ពេលនេះត្រៀមខ្លួនចេញទៅសម្តែងនៅអាមេរិកទៀត ។
កញ្ញាស៊ូ ដាណេ មានជំនាញសិល្បៈច្រើន ដូចជាសម្តែងល្ខោនបាសាក់
រាជធានីភ្នំពេញ ៖ តារាចម្រៀងកញ្ញាស៊ូ ដាណេ ទើបតែត្រឡប់មកពីសម្តែងនៅបារាំងវិញ ពេលនេះត្រៀមខ្លួនចេញទៅសម្តែងនៅអាមេរិកទៀត ។
កញ្ញាស៊ូ ដាណេ មានជំនាញសិល្បៈច្រើន ដូចជាសម្តែងល្ខោនបាសាក់ របាំបុរាណ -ប្រពៃណី ច្រៀងបទសម័យដោយមានទឹកដមសំឡេងស្រដៀងអ្នកស្រីប៉ែន រ៉ន និងសូត្រកំណាព្យ ។
មួយរយៈចុងក្រោយនេះស៊ូ ដាណេ មានឱកាសចេញទៅសម្តែងនៅប្រទេសក្រៅបន្តពីមួយទៅមួយ។ ស៊ូ ដាណេ ទើបតែត្រឡប់ពីប្រទេសបារាំងប៉ុន្មានអាទិត្យកន្លងមក ដោយនាងទៅសម្តែងតាំងពីមុនបុណ្យចូលឆ្នាំថ្មីប្រពៃណីជាតិខ្មែរ ។ ពេលនេះដាណេត្រៀមខ្លួនទៅអាមេរិកសាជាថ្មីទៀត បន្ទាប់ពីធ្លាប់ទៅសម្តែងកាលពីប៉ុន្មានឆ្នាំមុន ។ ដាណេចេញទៅមុនគេ ចំណែកកសមាជិករបស់នាងបីបួននាក់ទៀតទៅតាមក្រោយ ។ ចេញទៅខែកញ្ញាដើម្បីសូត្រកំណាព្យជូនជនរួមជាតិខ្មែរ ក្នុងពិធីបុណ្យភ្ជុំបិណ្ឌ។ ទៅអាមេរិកលើកក្រោយនេះរយៈពេលមួយឆ្នាំ ពេញ ។ ចំពោះសមាជិកក្រុមរបស់នាងអាចនឹងទៅតាមក្រោយក្នុងអំឡុងខែវិច្ឆិកា ដោយសម្តែង១ឆ្នាំពេញដូចគ្នា ។
ស៊ូ ដាណេ និយាយថា «នាងខ្ញុំមានការរីករាយចិត្តដែលអ្នកសិល្បៈមិនគួរមើលរំលងជំនាញបុរាណ ឬចម្រៀងបុរាណឡើយ អាចឱ្យយើងមានទីផ្សារមិនស្ងាត់ដូចមុននោះទេ។ តួយ៉ាងក្រៅប្រទេសគេទំនើបជឿនលឿនច្រើន ហើយគេចង់ឃើញអ្វីដែលជាលក្ខណៈបុរាណរបស់វប្បធម៌យើងជាងអ្វីដែលទំនើប ។
មុននឹងនាងខ្ញុំឡើងទៅអាមេរិកលើកនេះ នាងខ្ញុំ និងក្រុមការងារផលិតបទចម្រៀងប្រចាំផេក«ជួបគ្នាម្តងទៀត»ដែលជាផេកក្រុមការងារមិនមែនជារបស់នាងខ្ញុំនោះទេ កំពុងតែសម្រិតសម្រាំងបទចម្រៀងចាស់ជំនាន់មុនផលិតឡើងវិញ បែបជាលក្ខណៈក្លាស៊ីកដើម្បីឲ្យមានភាពទាក់ទាញនិងអភិរក្សមរតកដើមហើយរំពឹងថាមជ្ឈដ្ឋានមហាជនពិតជាជួយគាំទ្រស្នាដៃកូនខ្មែរ» ៕
ចែករំលែកព័តមាននេះ