ខេត្តរតនគិរី ៖ សេចក្តីរាយការណ៍ឱ្យដឹងថា មានក្មេងស្រីៗជាសិស្សសាលា២ក្រុម សរុបជាង១០នាក់បានផ្ទុះជម្លោះ រហូតដេញវាយតប់គ្នាបង្កការភ្ញាក់ផ្អើលយ៉ាងខ្លាំង ដែលហេតុការណ៍នេះកើតឡើង កាលពីវេលាម៉ោង៥ល្ងាចថ្ងៃទី១២ មិថុនា ស្ថិតនៅចំណុចមាត់បឹងកន្សែង ក្នុងភូមិអូរកន្សែង សង្កាត់បឹងកន្សែង ក្រុងបានលុង ។
ខេត្តរតនគិរី ៖ សេចក្តីរាយការណ៍ឱ្យដឹងថា មានក្មេងស្រីៗ២ក្រុម សរុបជាង១០នាក់បានផ្ទុះជម្លោះ រហូតដេញវាយតប់គ្នាបង្កការភ្ញាក់ផ្អើលយ៉ាងខ្លាំង ដែលហេតុការណ៍នេះកើតឡើង កាលពីវេលាម៉ោង៥ល្ងាចថ្ងៃទី១២ មិថុនា ស្ថិតនៅចំណុចមាត់បឹងកន្សែង ក្នុងភូមិអូរកន្សែង សង្កាត់បឹងកន្សែង ក្រុងបានលុង ។
ក្រុមក្មេងស្រីសិស្សសាលាខាងលើ បើតាមសាក្សីមានផ្ទះក្បែរកន្លែងកើតហេតុថា ដំបូងឃើញសិស្សសាលាសុទ្ធតែស្រីៗមានចំនួន២ក្រុម និងមានអាយុចាប់ពី១៥ ទៅ១៦ឆ្នាំ ។ មួយក្រុមជិះម៉ូតូ៣-៤គ្រឿង និងក្រុមមួយទៀត មកពីទិសខាងត្បូង ទៅជើង ។ ស្រាប់តែមកដល់កន្លែងកើតហេតុ ក៏ឈប់ម៉ូតូរៀងៗខ្លួន បានជេរបញ្ចោរគ្នាយ៉ាងអស់សាច់ ។ ក្រោយមក ក៏ហក់វាយតប់គ្នាដូចនៅក្នុងរឿងចិនហុងកុងដូច្នោះដែរ ។ ក្មេងស្រី២ក្រុមនេះ ត្រូវគេដឹងថា គឺជាសិស្សសាលាតែមិនដឹងថា នៅសាលាណានោះទេ ។
ករណីនេះ ត្រូវបានប្រជាពលរដ្ឋនាំគ្នារិះគន់ក្រុមក្មេងស្រីៗនោះថា មិនគិតខំប្រឹងរៀនសូត្រទេ គិតតែរឿងដែលសង្គមស្អប់ខ្ពើម ។ ជាពិសេស អាណិតតែឪពុកម្ដាយទេ មិនដឹងខ្មាសយ៉ាងណានៅដែលដឹងកូនៗគាត់បែបនេះ ។
ចែករំលែកព័តមាននេះ