ប្រភពពី Oddity Central ឱ្យដឹងថា ចោរលួចកង់ម្នាក់ ត្រូវបានម្ចាស់កង់ចាប់សាក់ថ្ងាសដាក់ពាក្យថា «ខ្ញុំជាចោរ និងជាអ្នកចាញ់» ក្រោយពេលចាប់ខ្លួនបានសម្រេច ។ ដោយឡែក ម្ចាស់កង់ខាងលើដែលអ្នកសាក់រូបនោះ លោក Maycon Wesley Carvalho dos Reis ត្រូវបានចាប់ខ្លួនពីបទធ្វើបាបអ្នកដទៃ ក្រោយពេលសាក់ថ្ងាសចោរ ដែលធ្វើឱ្យចោរមានការខ្មាស់អៀនយ៉ាងខ្លាំង ។
កាលពីថ្ងៃសុក្រកន្លងក ជនសង្ស័យរូបនោះត្រូវបានគេចាប់បាន ហើយបង្ខំឲ្យសាក់ថ្ងាសសរសេរជាភាសាព័រទុយហ្គាលថា «sou ladrão e vacilão» ដែលមានន័យថា«ខ្ញុំជាចោរ និងជាអ្នកចាញ់» ។ ខាងម្ចាស់កង់គិតថា ការធ្វើដូចនេះ គឺជាការព្រមានដល់ចោរឱ្យវារាងចាល កុំឲ្យលួចគេទៀត ។
គេបានថតជាវីឌីអូ ខណៈពេលដែលកំពុងសាក់នោះ ហើយបង្ហោះចូលក្នុងបណ្តាញសង្គម ដែលធ្វើឲ្យគ្រប់គ្នាចែករំលែកតៗគ្នា។ក្រោយពីបានឃើញវីឌីអូនោះហើយ ប៉ូលិសបានចុះមកដល់ផ្ទះ ហើយចាប់ខ្លួនម្ចាស់កង់ ដែលបានធ្វើទារុណកម្មទៅលើចោរ ។ ជាងនេះទៅទៀត គេក៏បង្កើតមូលនិធិរកលុយជួយដល់ចោរវ័យ១៧ឆ្នាំរូបនោះ លុបស្នាមសាក់លើថ្ងាសចោលថែមទៀតផង ៕
ចែករំលែកព័តមាននេះ