ខេត្តពោធិ៍សាត់ ៖ សពបុរសម្នាក់បានត្រូវអ្នកស្រុកប្រទះឃើញចង.កស្លាប់ខ្លួនលើដើមឈើក្នុងព្រៃក្រោយផ្ទះស្ថិតក្នុងភូមិបេង ឃុំស្នាអន្សារ ស្រុកក្រគរ កាលពីវេលាម៉ោង១៤និង៣០នាទីរសៀលថ្ងៃទី១៣ ខែមិថុនា ឆ្នាំ២០១៧ ដែលមានសភាពហើមស្អុយទៅហើយ ។ បន្ទាប់ពីសមត្ថកិច្ចចុះទៅត្រួតពិនិត្យមើលទើបដឹងថា សពនោះឈ្មោះ វ៉ា សុភាព ភេទប្រុស អាយុ៣៩ឆ្នាំមានប្រពន្ធឈ្មោះ អៀវ លីម អាយុ៣៧ឆ្នាំ មានកូន៦នាក់ ប្រុសម្នាក់ រស់នៅភូមិក្រាំងវែង ឃុំស្នាអន្សារ ស្រុកក្រគរ ។
តាមប្រភពពីក្រុមគ្រួសារបានប្រាប់ឲ្យដឹងថា ជនរងគ្រោះឈ្មោះ វ៉ា សុភាព នេះមានជំងឺសរសៃប្រសាទជាយូរមកហើយ ហើយតែងតែព្យាយាមចង.កធ្វើអត្តឃាតជាញឹកញាប់ប៉ុន្តែបានបងប្អូននិងអ្នកស្រុកជួយទាន់ ។ ជាក់ស្ដែងកាលពីវេលាម៉ោង៤ទៀបភ្លឺថ្ងៃទី១១ ខែមិថុនា ជនរងគ្រោះបានរត់ចេញពីផ្ទះបាត់មិនដឹងទៅណានោះទេ ភ្លាមៗនោះស្ត្រីជាប្រពន្ធ និងម្ដាយបានប្រាប់អ្នកជិតខាងឲ្យជួយអន្តរាគមន៍ទៅកម្លាំងប្រជាការពារក្នុងភូមិ និងនគរបាលប៉ុស្តិ៍រដ្ឋបាលដើម្បីជួយតាមរកប៉ុន្តែរកគ្រប់ទីកន្លែងនៅតែមិនឃើញទាល់តែសោះ ។ លុះមកដល់វេលាម៉ោង១៤និង៣០នាទីរសៀលថ្ងៃទី១៣ ខែមិថុនា ប្រជាពលរដ្ឋធំក្លិនស្អុយចេញពីក្នុងព្រៃម្ដុំភូមិតាគីចាស់ ជាប់ព្រំប្រទល់ភូមិក្រាំងវែងក៏នាំគ្នាវែកព្រៃចូលមើលស្រាប់តែឃើញសពជនរងគ្រោះចង.កនឹងក្រមាពណ៌ក្រហមលើដើមត្រាចហើមស្អុយស្លាប់ទៅហើយ ។
សមត្ថកិច្ចបញ្ជាក់ថា ជនរងគ្រោះពិតជាស្លាប់ដោយចង.កធ្វើអត្តឃាតប្រាកដមែនដោយសារតែមានជំងឺសរសៃប្រសាទ សពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ