រាជធានីភ្នំពេញ ៖ សេចក្តីរាយការណឱ្យដឹងថា ស្ត្រីជាប្រពន្ធមានផ្ទៃពោះ៥ខែ ខណៈប្តីនាំមកអង្គុយលេងស្រូបយកខ្យល់អាកាសនៅមាត់ទន្លេ ស្រាប់តែមានបុរសម្នាក់ទូរស័ព្ទចូលមកប្រពន្ធ ហើយត្រូវប្តីលើកហើយសួរថា ត្រូវជាអ្វី? ។ ស្រាប់តែបុរសនោះឆ្លើយថាត្រូវ «ជាប្តី» ធ្វើឱ្យផ្ទុះកំហឹង យកកូនសោម៉ូតូចាក់ក្បាលប្រពន្ធ និងវាយរហូតបែកក្បាល។
ហេតុការណ៍នេះ បង្កការភ្ញាក់ផ្អើលកាលពីវេលាម៉ោង១០ និង៣០នាទីយប់ថ្ងៃទី១២ មិថុនា ស្ថិតតាមបណ្តោយផ្លូវព្រះស៊ីសុវត្ថិ ត្រង់ចំណុចមាត់ទន្លេ ក្នុងសង្កាត់ផ្សារកណ្តាល១ ខណ្ឌដូនពេញ។
បើតាមសម្តីស្ត្រីរងគ្រោះឈ្មោះសេក លាវ អាយុ៣០ឆ្នាំ ជាអ្នកលក់បន្លែនៅផ្សារកណ្តាល ស្នាក់នៅសង្កាត់ផ្សារដើមគ ខណ្ឌទួលគោក ។ រីឯប្តីដល់ដល់ មិនស្គាល់ឈ្មោះទេ ។ ប្រពន្ធរងគ្រោះរៀបរាប់ថា ជារៀងរាល់ថ្ងៃ ប្តីគាត់តែងតែរករឿង ហើយវាយគាត់រហូត ។ លុះនៅថ្ងៃកើតហេតុ គាត់និងប្តីជិះម៉ូតូទៅអង្គុយលេងនៅមាត់ទន្លេ បានមួយសន្ទុះ ក្រោយមក មានបុរសម្នាក់បានទូរស័ព្ទចូលមកទូរស័ព្ទគាត់ ហើយប្តីគាត់ជាអ្នកលើកទូរស័ព្ទ ឮសម្លេងមនុស្សប្រុសនិយាយ ប្តីសួរថា ត្រូវអីជាមួយប្រពន្ធគាត់ ស្រាប់តែបុរសដែលទូរស័ព្ទមកប្រាប់ថា «ត្រូវជាប្តី»។
ភ្លាមៗនោះ បុរសជាប្តីបានបិទទូរស័ព្ទ ហើយសួរប្រពន្ធថា មានសហាយផង ។ ហើយគាត់ប្រាប់ថា អត់មានទេ ព្រោះកាលពីល្ងាច គាត់បានយកទូរស័ព្ទទៅធ្វើ ហើយជាងជួសជុលទូរស័ព្ទតេចូលលេខគាត់សាកមើលពីថ្ងៃហើយ គាត់ច្រឡំលេខ តែប្តីមិនជឿហើយទប់កំហឹងមិនបាន ក៏យកសោម៉ូតូចាក់ក្បាលនិងវ៉ៃបណ្តាលឱ្យបែកក្បាលស្រែកយំផ្អើលពេញលើសួនមាត់ទន្លេតែម្តង។
ចែករំលែកព័តមាននេះ