ក្ដីបារម្ភរបស់ប្រជាកសិករ ដែលសត្វខ្មុល និងខ្យងកំពុងតែបំផ្លាញស្រូវ
ខេត្តត្បូងឃ្មុំ ៖ ភាពចម្លែកមួយបានលេចចេញ ដោយមានពពួកសត្វក្នុងនោះដូចជា ខ្មុល ខ្យង បានកាត់ស៊ីបំផ្លាញដំណាំស្រូវរបស់ប្រជាកសិករនៅឃុំស្រឡប់ និងឃុំអញ្ចើម
ខេត្តត្បូងឃ្មុំ ៖ ភាពចម្លែកមួយបានលេចចេញ ដោយមានពពួកសត្វក្នុងនោះដូចជា ខ្មុល ខ្យង បានកាត់ស៊ីបំផ្លាញដំណាំស្រូវរបស់ប្រជាកសិករនៅឃុំស្រឡប់ និងឃុំអញ្ចើម
ខេត្តត្បូងឃ្មុំ ៖ ភាពចម្លែកមួយបានលេចចេញ ដោយមានពពួកសត្វក្នុងនោះដូចជា ខ្មុល ខ្យង បានកាត់ស៊ីបំផ្លាញដំណាំស្រូវរបស់ប្រជាកសិករនៅឃុំស្រឡប់ និងឃុំអញ្ចើម ស្រុកត្បូងឃ្មុំ គួបផ្សំនឹងទឹកភ្លៀ
ងធំខុសពីធម្មតាដែលធ្វើឲ្យស្រូវបានខូចខាតជាច្រើនកន្លែង។ ជាមួយនោះមន្ត្រីជំនាញរបស់មន្ទីរកសិកម្ម និងរុក្ខាប្រមាញ់ខេត្ត បានចុះណែនាំដល់ពលរដ្ឋឲ្យមានវិធីសាស្ត្រ ដើម្បីកំចាត់ខ្យងទាំងនោះហើយ។
ស្ត្រីខ្មែរឥស្លាមឈ្មោះ សាន់ ចះ អាយុ៥៦ឆ្នាំ នៅភូមិដងកាំបិត ឃុំស្រឡប់ បានប្រាប់ឲ្យដឹងនៅព្រឹកថ្ងៃទី១២ មិថុនា ២០១៧នេះថា គាត់មានផ្ទៃដីស្រែសរុបជិត៣ហិតកា នៅសងខាងផ្លូវជាតិលេខ៧ រាល់ថ្ងៃដាំស្រូវសម្រាប់ទុកទទួលបានមិនដែលអាក់ខាននោះទេ ទើបតែមកដល់ឆ្នាំ២០១៦កន្លងទៅភ្លៀងធំជាច្រើនមេបានធ្វើឲ្យទឹកលិចស្រែជាច្រើនថ្ងៃមិនសូវបានផលប៉ុន្មានឡើយ។
លុះមកដល់ឆ្នាំ២០១៧នេះ ស្រូវត្រូវបានទឹកភ្លៀងលិចថែមទៀត បែរជាកើតមានខ្យងចម្លែកបានពងតាមដើមស្រូវ គាត់ដើរបេះបោះចោលការរើសនោះមិនឈ្នះទាល់តែសោះ ព្រោះខ្យងជាច្រើនបានវារចេញពីស្រែរបស់អ្នកក្បែរនោះចូលមកស្រែរបស់គាត់កាន់តែច្រើនឡើងៗ មិនដឹងថាមានវិធានការបែបណាទេ ព្រោះបានកាត់បំផ្លាញដើមស្រវអស់ជាច្រើន គាត់ទើបតែប្រទះបែបនេះទេ។ រីឯស្ត្រីខ្មែរឥស្លាមឈ្មោះ សេន រ៉កី អាយុ៤៥ឆ្នាំ រស់នៅភូមិដងកាំបិត ប្រាប់ឲ្យដឹងថា កាលពីឆ្នាំ២០១៦ កន្លងទៅដីស្រែគាត់១ហិកតា លុះពេលដែលច្រូតកាត់បានតែ៧បាវទេ ហូបមិនគ្រប់គ្រាន់ឡើយព្រោះតែទឹកឡើងមកលិចពេក ហើយថែមទាំងសម្បូរហ្វូងកណ្តូបមកកាត់ស្រូវទៀតផង។
មកដល់ឆ្នាំ២០១៧ គាត់ដាំស្រូវប្រភេទអ៊ីអែ៥៦ និងរាំងជ័យ តែទឹកភ្លៀងមកលិចស្រូវមិនទាន់អីនោះទេ ទើបតែមានប្រភេទខ្យងចម្លែកមកពង និងញាស់កូនពេញស្រែរើសមិនឈ្នះទាល់តែសោះ មិនដឹងថាតើមានស្រូវច្រូតកាត់ឬយ៉ាងណាឡើយ ចាប់តាំងពីតូចមកដល់វ័យប៉ុណ្ណេះមិនដែលឃើញសោះខ្យងនេះ ដោយសារហូបមិនគ្រប់គ្រាន់កូនៗមួយចំនួនបានចេញទៅធ្វើកម្មករនៅប្រទេសថៃ និងកន្លែងផ្សេងៗទៀតដើម្បីយក
ប្រាក់មកដោះស្រាយជីវភាពគ្រួសារ។ស្ត្រីឈ្មោះ រិន ចាន់រី អាយុ៤៥ឆ្នាំ នៅភូមិមជ្ឈឹមភាគ ឃុំអញ្ចើម ស្រុកត្បូងឃ្មុំ ប្រាប់ថា ដំណាំស្រូវរបស់គាត់ដែលនៅមិនឆ្ងាយប៉ុន្មានពីផ្ទះនោះ នៅឆ្នាំ២០១៧នេះ បែរជាកើតមានប្រភេទសត្វខ្មុល បានស៊ីឫសស្រូវបណ្តាលឲ្យដួលរាយជាច្រើន ត្រង់កន្លែងដែលមិនមានទឹកលិចស្រូវ ហើយសត្វកណ្តុរក៏សម្បូរទៀតបែរជាលេចខ្យងចម្លែកមិនដែលស្គាល់ខ្លះថាខ្យងយួន មកកាន់ស៊ីបំផ្លាញស្រូវជ្រុះរាយតែម្តង។
ទឹកភ្លៀងក៏បានឡើងមកលិចស្រូវបណ្តាលឲ្យរលួយអស់១ផ្នែកទៀត។ ប្រជាកសិករទាំង២ឃុំខាងលើ បានសំណូមពរដល់ស្ថាប័នមន្ទីរកសិកម្មខេត្ត មេត្តារកវិធានការដើម្បីចុះកម្ចាត់សត្វខ្មុល និងខ្យងចង្រៃចេញពីក្នុងស្រែរបស់ពួកគាត់ផង បើពុំនោះទេក្នុងរដូវច្រូតកាត់ខាងមុខប្រាកដជានឹងត្រូវខ្វះខាតហូបមិនគ្រប់គ្រាន់ ត្រូវតែទិញអង្ករពីផ្សារមកហូបបន្ថែមទៀត ទើបអាចដោះស្រាយជីវភាពគ្រួសារបាន។ កសិករជាច្រើននាក់មានចម្ងល់ថា តើប្រភេទខ្យង និងសត្វខ្មុលមានប្រភពចេញមកពីណា ព្រោះច្រើនឆ្នាំហើយមិនដែលមាននោះទេ គឺគ្រាន់តែមានក្តាមកាត់ស្រូវរងការខូចខាតតិចតួចណាស់។ លោក ហេង ពិសិដ្ឋ ប្រធានមន្ទីរកសិកម្មរុក្ខាប្រមាញ់ និងនេសាទខេត្តត្បូងឃ្មុំ ប្រាប់ឲ្យដឹងដែរថា ក្រោយពីទទួលបានដំណឹងខាងលើនេះរូបលោក បានចុះមកកាន់ឃុំកណ្តោលជ្រុំ ស្រុកពញាក្រែក នាព្រឹកថ្ងៃទី១២ មិថុនា ២០១៧ ដើម្បីតាមដានមើលពីហ្វូងខ្យងនៅតាមវាលស្រែរបស់ប្រជាកសិករ ចំណែកកអនុប្រធានមន្ទីរម្នាក់រួមនឹងសហការីបានចុះមកកាន់ឃុំស្រឡប់ ស្រុកត្បូងឃ្មុំ។ ដោយបានចេញសេចក្តីណែនាំមួយដល់អាជ្ញាធរភូមិឃុំ ត្រូវជួយផ្សព្វផ្សាយដល់កសិករ ព្រោះមានបច្ចេកទេសកម្ចាត់ខ្យងដោយមិនបានប្រើប្រាស់ថ្នាំបាញ់នោះទេ ព្រោះបានបង្កឲ្យប៉ះពាល់សុខភាពពេក សម្រាប់សត្វខ្មុលវិញគឺបានស្ទើរតែផុតអស់ហើយកត្តាចំបងបំផុតត្រូវកម្ចាត់ខ្យងតែម្តង៕
ចែករំលែកព័តមាននេះ