រាជធានីភ្នំពេញ ៖ មហាជន ជាពិសេសអ្នកលេងហ្វេសប៊ុកមានការចាប់អារម្មណ៍ បន្ទាប់ពីនារីម្នាក់បង្ហោះរូបថតមួយសន្លឹកដែលបង្ហាញម្តាយរបស់នាងជាមួយតារាសម្តែងជើងចាស់អ្នកនាងអម្ពរ ទេវី ដែលជាអនុស្សាវរីយ៍រយៈពេល
រាជធានីភ្នំពេញ ៖ មហាជន ជាពិសេសអ្នកលេងហ្វេសប៊ុកមានការចាប់អារម្មណ៍ បន្ទាប់ពីនារីម្នាក់បង្ហោះរូបថតមួយសន្លឹកដែលបង្ហាញម្តាយរបស់នាងជាមួយតារាសម្តែងជើងចាស់អ្នកនាងអម្ពរ ទេវី ដែលជាអនុស្សាវរីយ៍រយៈពេល២២ឆ្នាំមកហើយ ។
នារីម្នាក់នោះចាត់ទុករូបថតដែលខ្លួនបង្ហោះគឺការរំលឹកការគាំទ្រ និងការស្រឡាញ់ទាំងនាង និងម្តាយទៅលើតារាសម្តែងជើងចាស់អ្នកនាងអម្ពរ ទេវី ។
នារីដែលជាអាណិកជនខ្មែររស់នៅអាមេរិកឈ្មោះ« Mary Kheng» បានបង្ហោះរូបភាពមួយសន្លឹកតាមហ្វេសប៊ុកជាមួយនឹងសារដែលបញ្ជាក់ពីអនុស្សាវរីយ៍ និងការគាំទ្ររបស់ម្តាយនាង ក្នុងពេលអ្នកនាងអម្ពរ ទេវី ទៅសម្តែងលើកដំបូងនៅសហរដ្ឋអាមេរិក ។
បើតាមសំណេរដែលអ្នកនាង«Mary Kheng» សរសេរថា «អ្វីដែលខ្ញុំបានបង្ហាញរូបភាពមួយសន្លឹកនេះ គឺដោយសារតែក្តីស្រឡាញ់និងការគាំទ្រដែលម្តាយរបស់ខ្ញុំ និងខ្ញុំមានសម្រាប់កំពូលតារាសម្តែងរបស់កម្ពុជា គឺអ្នកនាងអម្ពរ ទេវី ។
រូបថតមួយសន្លឹកនេះត្រូវបានថតឡើងកាលពីអំឡុងឆ្នាំ១៩៩៤ នៅពេលដែលម្តាយរបស់ខ្ញុំ និងខ្ញុំបានទៅទស្សនាការសម្តែងរបស់គាត់ជាលើកដំបូងនៅភាគខាងត្បូងរដ្ឋកាលីហ្វ៊័រនីញ៉ា សហរដ្ឋអាមេរិក ។ អរគុណយ៉ាងខ្លាំងសម្រាប់ការថែរក្សាទុកនូវរូបថតអនុស្សាវរីយ៍ដ៏ល្អបំផុតនេះ ។
រូបថតនេះគឺថតក្នុងពេលដែលតារាសម្តែងអ្នកនាងអម្ពរ ទេវី វ័យក្មេងនៅឡើយ ចាប់តាំងពីអ្នកនាងបានក្លាយជាតារាសម្តែងក្នុងប្រទេសកម្ពុជា ។ គ្រួសាររបស់ខ្ញុំតែងតែស្រាឡាញ់ និងចូលចិត្តការសម្តែងរបស់អ្នកនាងអម្ពរ ទេវី រហូតមកដល់បច្ចុប្បន្ន ចាប់តាំងពីប៉ុន្មានឆ្នាំកន្លងមកនេះដែលពួកយើងបានក្លាយជាមិត្តភក្តិនឹងគ្នា ។
រូបភាពមួយសន្លឹកនេះ ខ្ញុំគ្រាន់តែចង់ចែករំលែកនូវអនុស្សាវរីយ៍ដ៏ ល្អៗ ជាមួយកំពូលតារាសម្តែងអ្នកនាងអម្ពរ ទេវី ជាមួយនឹងម្តាយជាទីស្រាឡាញ់របស់ខ្ញុំ ទៅកាន់ពិភពលោក» ។
អតីតតារាសម្តែងស្រីល្បីឈ្មោះអ្នកនាងអម្ពរ ទេវី បាត់មុខពីការសម្តែងអស់រយៈពេលជាង១ទសវត្សមកហើយ ក្រោយពីចាកចេញពីកម្ពុជាទៅរស់នៅសហរដ្ឋអាមរិក និងបានសាងអនាគតថ្មីលើទឹកដីមហាអំណាចមួយនេះរហូតដល់បច្ចុប្បន្ន ។
តារាសម្តែងអុ្នកនាងអម្ពរ ទេវី បានធ្វើឱ្យអ្នកទស្សនាចាំមិនភ្លេច ព្រោះតែនាងបានចូលរួមចំណែកយ៉ាងសំខាន់ក្នុងការជួយជ្រោមជ្រែងវិស័យសម្តែងភាពយន្តកាលពីអំឡុងទសវត្សឆ្នាំ៩០ ដែលកេរ្តិ៍ឈ្មោះរបស់អ្នកនាងល្បីរន្ទឺជាមួយនឹងការចាប់ដៃគូសម្តែងដ៏សក្តិសមជាមួយតួឯកប្រុសលោកទេព រិនដារ៉ូ ។
កាលពីពេល ថ្មីៗកន្លងមកអ្នកនាងអម្ពរ ទេវី បានចូលរួមសម្តែងក្នុងរឿង «ទឹកចិត្តម្តាយសម័យថ្មី» តបតាមការអញ្ជើញ និងចង់បានពីអ្នកដឹងនាំរឿងអ្នកស្រីពាន់ ភួងបុប្ជា ដែលធ្លាប់រួមការងារជាមួយគ្នា ៕
ចែករំលែកព័តមាននេះ