ខាងក្រៅពិបាកពេក ចូលទូរ ATM ម្តង មានអីទ្រមខ្លួន
ខេត្តកណ្ដាល ៖ ជនសង្ស័យម្នាក់បានកាន់ដែកគាស់ទៅចូលទូរ អេធីអឹម ហើយត្រូវចាប់ខ្លួនពេលកំពុងធ្វើសកម្មភាព ហេតុការណ៍បង្កការភ្ញាក់ផ្អើលនៅចំណុចធនាគារ
ខេត្តកណ្ដាល ៖ ជនសង្ស័យម្នាក់បានកាន់ដែកគាស់ទៅចូលទូរ អេធីអឹម ហើយត្រូវចាប់ខ្លួនពេលកំពុងធ្វើសកម្មភាព ហេតុការណ៍បង្កការភ្ញាក់ផ្អើលនៅចំណុចធនាគារ
ខេត្តកណ្ដាល ៖ ជនសង្ស័យម្នាក់បានកាន់ដែកគាស់ទៅចូលទូរ អេធីអឹម ហើយត្រូវចាប់ខ្លួនពេលកំពុងធ្វើសកម្មភាព ហេតុការណ៍បង្កការភ្ញាក់ផ្អើលកាលពីវេលាម៉ោង៣និង៥៧នាទីរសៀល ថ្ងៃទី១១ ខែមិថុនា ឆ្នាំ២០១៧ នៅចំណុចធនាគារអេស៊ីលីដា ស្ថិតក្នុងឃុំព្រែកតាមាក់ ស្រុកខ្សាច់កណ្តាល។
ជនសង្ស័យឈ្មោះ សេង គឹមសួរ ភេទប្រុស អាយុ២២ឆ្នាំ ជនជាតិខ្មែរ មុខរបរកសិករ មានទីលំនៅភូមិអញ្ជែងក្រោម ឃុំពុកឫស្សី ស្រុកខ្សាច់កណ្តាល និងជនរងគ្រោះឈ្មោះ សរ សុភាជ ភេទប្រុស អាយុ៣៨ឆ្នាំ ជនជាតិខ្មែរ ជានាយកសាខាធនាគារ មានទីលំនៅភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ ។ ចំណែកទូរ ATM មានស្នាមកូដអេក្រង់ រួមទាំងវត្ថុតាងដកហូតបាន គឺដែកគាស់ប្រវែង០.៦៥ម៉ែត្រចំនួន១ និងម៉ូតូម៉ាកនិច ស៊េរី២០១៤ ពណ៌ស ០១គ្រឿង ។
មន្ត្រីនគរបាលបានឱ្យដឹងថា មុនពេលកើតហេតុ ជនសង្ស័យបានកាន់ដែកគាស់ជិះម៉ូតូចេញពីផ្ទះរបស់ខ្លួន ពេលមកដល់ចំណុចកើតហេតុជនសង្ស័យឈប់ម៉ូតូនៅមុខ ទូរ ATM ដែលមិនមានមនុស្ស ហើយក៏យកដែកគាស់ដើរចូលទៅក្នុងបន្ទប់ ATM រួចវាយកញ្ចក់អេក្រង់តែម្តង។ ពេលនោះបុគ្គលិករបស់ធនាគារបានឃើញសកម្មភាពជនសង្ស័យក្នុងកាមេរ៉ា ក៏ចេញមកអន្តរាគមន៍ដេញចាប់ ហើយប្រជាពលរដ្ឋនៅទីនោះក៏ជួយដេញចាប់ ព្រមទាំងវាយជនសង្ស័យ ទើបប្រគល់ឲ្យសមត្ថកិច្ចបញ្ជូនមកអធិការដ្ឋាននគរបាលស្រុក ដើម្បីសាកសួរ និងកសាងសំណុំរឿងចាត់ការតាមនីតិវិធី ៕
ចែករំលែកព័តមាននេះ