ទំនាស់ផលប្រយោជន៍ បា.ញ់៣គ្រាប់ កុំឱ្យកាងឈើ
ខេត្តមណ្ឌលគិរី ៖ អាជ្ញាធរបានរាយការណ៍ថា មានករណីបា.ញ់បោះចំនួន៣គ្រាប់នៅមូលដ្ឋានស្រុកកោះញែក កាលពីរាត្រីថ្ងៃទី១០ ខែមិថុនា ឆ្នាំ២០១៧ វេលាម៉ោង១០យប់ នៅជិតព្រំប្រទល់ខេត្តរតនគិរី និង
ខេត្តមណ្ឌលគិរី ៖ អាជ្ញាធរបានរាយការណ៍ថា មានករណីបា.ញ់បោះចំនួន៣គ្រាប់នៅមូលដ្ឋានស្រុកកោះញែក កាលពីរាត្រីថ្ងៃទី១០ ខែមិថុនា ឆ្នាំ២០១៧ វេលាម៉ោង១០យប់ នៅជិតព្រំប្រទល់ខេត្តរតនគិរី និង
ខេត្តមណ្ឌលគិរី ៖ អាជ្ញាធរបានរាយការណ៍ថា មានករណីបាញ់បោះចំនួន៣គ្រាប់នៅមូលដ្ឋានស្រុកកោះញែក កាលពីរាត្រីថ្ងៃទី១០ ខែមិថុនា ឆ្នាំ២០១៧ វេលាម៉ោង១០យប់ នៅជិតព្រំប្រទល់ខេត្តរតនគិរី និងខេត្តមណ្ឌលគិរី ចំណុចអូររវ៉ាក់ ភូមិរវ៉ាក់ ឃុំរយ៉ បង្កឲ្យមានការភ័យខ្លាចដល់ពលរដ្ឋរស់នៅតាមបណ្តោយផ្លូវជាតិលេខ៧៦ ដោយសារសំឡេងផ្ទុះគ្រាប់កាំភ្លើង។
សេចក្តីរាយការណ៍ពីស្រុកកោះញែកបានឲ្យដឹងថា នៅមុនពេលកើតហេតុគេបានឃើញមានរថយន្តឡង់គ្រីស្ស័រ២គ្រឿងបានផ្ទុកឈើប្រណីតពេញៗ ដែលដឹកចេញពីស្រុកកោះញែក ឆ្ពោះទៅស្រុកលំផាត់ ខេត្តរតនគិរី តាមបណ្តោយផ្លូវជាតិលេខ៧៦។ នៅពេលរថយន្តដឹកឈើទាំង២គ្រឿងបានធ្វើដំណើរទៅដល់ចំណុចជិតអូរវ៉ាក់ ក៏មានរថយន្តរបស់យោធាវរៈ១ ម៉ាកកាមរីឆ្លាម ដេញពីក្រោយ ដើម្បីចាប់បង្ក្រាបរថយន្តដឹកឈើល្មើសច្បាប់ ប៉ុន្តែភ្លាមៗស្រាប់តែមានរថយន្តមួយគ្រឿងទៀតម៉ាក ម៉ុងតេរ៉ូ ដែលគេស្គាល់ថា ជាកម្មសិទ្ធិរបស់ឈ្មោះ ម៉ា ម៉េងធី មន្ត្រីយោធាទីចាត់ការព្រំដែន បានបើកទៅបិទពីមុខរបស់យោធាវរៈ១ និងកៀរថយន្តកាមរីឆ្លាមរបស់យោធារវៈធ្លាក់ផ្លូវខាងឆ្វេងដៃ ខូចខាតអស់មួយផ្នែក តែមិនបណ្តាលឲ្យមានអ្នករងរបួសទេ។
លោកវរសេនីយ៍ទោ ឃិន បញ្ញា មេបញ្ជាការវរសេនាតូចអន្តរាគមន៍លេខ១ បានឲ្យដឹងថា ពិតជាមានករណីបាញ់ដូចសេចក្តីរាយការណ៍ខាងលើនោះមែន។ ហើយអ្នកបាញ់ គឺជាមន្ត្រីរបស់លោកដែលបានចាត់ទៅ ដើម្បីទប់ស្កាត់ និងបង្ក្រាបការជួញដូរឈើខុសច្បាប់ ប៉ុន្តែនៅពេលមន្ត្រីរបស់លោកកំពុងអនុវត្តន៍ការងារ ស្រាប់តែមានជនម្នាក់ដែលគេស្គាល់ថា ធ្លាប់ធ្វើការនៅតំបន់ប្រតិបត្តិការសឹករងខេត្ត ឥឡូវឮថា ធ្វើនៅទីចាត់ការព្រំដែនបានចេញរថយន្តបាំងពីសមត្ថកិច្ចដែលកំពុងប្រតិបត្តិការការងារ។
លោកមេបញ្ជាការបានបន្តថា ចំពោះករណីនេះ លោកកំពុងស្រាវជ្រាវលំអិតថា តើបុគ្គលឈ្មោះ ម៉ា ម៉េងធី ពិតជាកាងបទល្មើសព្រៃឈើឬយ៉ាងណា0x017d7 ចំណែកករណីបាញ់ចំនួន៣គ្រាប់នោះ ក៏ដោយសារតែមន្ត្រីរបស់លោក បាញ់បង្អើលរថយន្តដែលបានធ្វើសកម្មភាពកៀរថយន្តសមត្ថកិច្ច។
ចែករំលែកព័តមាននេះ