ចិន ៖ តាមប្រភពព័ត៌មាន Viral4real បានឲ្យដឹងថា ក្រុមគ្រូពេទ្យវះកាត់នៅប្រទេសចិនបានធ្វើការវះកាត់ទៅលើបុរសម្នាក់ដែលបានទល់លាមកអស់ពេលរយៈពេលរាប់ឆ្នាំជាមួយនឹងពោះប៉ោងធំស្ទើរតែផ្ទុះ
ចិន ៖ តាមប្រភពព័ត៌មាន Viral4real បានឲ្យដឹងថា ក្រុមគ្រូពេទ្យវះកាត់នៅប្រទេសចិនបានធ្វើការវះកាត់ទៅលើបុរសម្នាក់ដែលបានទល់លាមកអស់ពេលរយៈពេលរាប់ឆ្នាំជាមួយនឹងពោះប៉ោងធំស្ទើរតែផ្ទុះ ។ ក្រោយពីការវះកាត់គ្រប់គ្នាមានការភ្ញាក់ផ្អើលនឹងអ្វីដែលពួកគេបានឃើញ ។ វាគឺជាពោះវៀនមួយកង់យ៉ាងធំប្រវែង៨០សង់ទីម៉ែត្រ ដែលមានទម្ងន់ពេលកាត់ចេញមកដល់ទៅ១៣គីឡូក្រាមផ្ទុកទៅដោយលាមកទាល់រាប់ឆ្នាំ ។
គ្រូពេទ្យបានប្រាប់ថា បុរសម្នាក់នោះមានជម្ងឺម្យ៉ាងហៅថា Hirschsprung’s Disease ដែលសរសៃប្រសាទមកភ្ញោចពោះវៀនឲ្យមានចលនាមិនសូវធ្វើការ ។ ដូចនេះហើយទើបបុរសម្នាក់នោះមានជម្ងឺទល់លាមកដល់កម្រិតធ្ងន់ធ្ងរបែបនេះ ។ មុនពេលវះកាត់ គេឃើញពោះបុរសនោះប៉ោងធំដូចស្ត្រីមានផ្ទៃពោះ ។
ក្រុមគ្រូពេទ្យនៅមន្ទីរពេទ្យ 10th People’s Hospital នៅសៀងហៃបានប្រាប់ថា ពោះរបស់បុរសនោះអាចនឹងផ្ទុះប្រសិនបើទុកនៅដូច្នេះទៀត ។ នាពេលនេះអ្នកជម្ងឺមានអាការល្អប្រសើរវិញហើយបន្ទាប់ពីការវះកាត់ ៕
ចែករំលែកព័តមាននេះ