រាជធានីភ្នំពេញ ៖ តាមរយៈការចុះផ្សាយលើគេហទំព័រសារព៌ត័មាន កោះសន្តិភាព ពីទុក្ខលំបាកស្ត្រីម្នាក់ជាកម្មការិនី ឆ្លងទន្លេបានទារិកាមួយមិនគ្រប់គីឡូ ហើយបានទៅសម្រាកនៅមន្ទីរពេទ្យកុមារជាតិ។ នៅព្រឹកថ្ងៃទី៩ មិថុនា ២០១៧ អនុសាខាកាកបាទក្រហមកម្ពុជា ខណ្ឌពោធិ៍សែនជ័យ ដឹកនាំដោយលោកស្រី អ៊ឹម ថាវី ប្រធានគណៈកម្មាធិការអនុសាខាកាកបាទក្រហមកម្ពុជាខណ្ឌ និងលោកស្រី អេង គឹមហៀប ភរិយាលោកប្រធានកិត្តិយសអនុសាខាកាកបាទក្រហមកម្ពជាខណ្ឌ និងក្រុមការងារបានទៅសួរសុខទុក្ខ និងនាំយកថវិកាចំនួន ៤០០.០០០រៀល កន្សែងពោះគោធំ១ សារុង២ ខោអាវ មួក ស្រោមដៃ ស្រោមជើង៣ឈុត ទឹកដោះគោឆៅ២ឡូ ទៅជូនស្ត្រីគ្មានទីពឹងឆ្លងទន្លេកូនមិនគ្រប់ខែ បច្ចុប្បន្នសម្រាកនៅបន្ទប់សង្គ្រោះបន្ទាន់មន្ទីរពេទ្យកុមារជាតិ។
នាឱកាសនោះដែរដោយឃើញនៅក្នុងបន្ទប់សង្គ្រោះបន្ទាន់ជាមួយគ្នានេះ មានឪពុកម្តាយមកថែកូនមិនគ្រប់ខែចំនួន៤នាក់ទៀត ហើយសុទ្ធតែអ្នកខ្វះខាតជីវភាព លោកស្រី អេង គឹមហៀប ក៏បានចំណាយថវិកាផ្ទាល់ខ្លួន រួមជាមួយ ក្រុមការងារ ដើម្បីជូនគ្រួសារទាំងនោះអស់ទឹកប្រាក់សរុប ៤០០.០០០រៀល។ ស្ត្រីជាម្តាយបានអបអរសាទរចំពោះទង្វើ មនុស្សធម៌របស់អនុសាលាកាកបាតក្រហមខណ្ឌពោធិសែនជ័យ ដែលបានអំណោយយកនូវអំណោយដ៏ថ្លៃថ្លានេះ ទៅជូនពួកគាត់ រួមទាំងស្រី្តកម្មការិនីដែលឆ្លងទន្លេនៅក្នុងបន្ទប់ជួលម្នាក់ឯង ខណៈប្តីហេងស៊យបានរត់ចោល៕
ចែករំលែកព័តមាននេះ