នូវែលសេឡង់អនុម័តច្បាប់ហាមឃាត់ការជក់បារីសម្រាប់មនុស្សជំនាន់ក្រោយ
នូវែលសេឡង់ ៖ ប្រទេសនូវែលសេឡង់នឹងហាមឃាត់ការជក់បារីសម្រាប់មនុស្សជំនាន់ក្រោយចាប់ពី
នូវែលសេឡង់ ៖ ប្រទេសនូវែលសេឡង់នឹងហាមឃាត់ការជក់បារីសម្រាប់មនុស្សជំនាន់ក្រោយចាប់ពី
នូវែលសេឡង់ ៖ ប្រទេសនូវែលសេឡង់នឹងហាមឃាត់ការជក់បារីសម្រាប់មនុស្សជំនាន់ក្រោយចាប់ពីឆ្នាំក្រោយ។
សភានូវែលសេឡង់បានអនុម័តច្បាប់កាលពីថ្ងៃអង្គារ ទី ១៣ ធ្នូម្សិលមិញដោយបញ្ជាក់ថា អ្នកដែលកើតក្រោយឆ្នាំ ២០០៨ នឹងមិនអាចទិញបារី ឬផលិតផលថ្នាំជក់បាននោះទេ។
វានឹងមានន័យថា ចំនួនប្រជាជនដែលអាចទិញថ្នាំជក់បាននឹងថយចុះជារៀងរាល់ឆ្នាំ។ ឧទាហរណ៍នៅឆ្នាំ ២០៥០ អ្នកដែលមានអាយុ ៤០ឆ្នាំនឹងក្មេងខ្លាំងពេកក្នុងការទិញបារី។
រដ្ឋមន្ត្រីសុខាភិបាលនូវែលសេឡង់លោកស្រី Ayesha Verrall ដែលអ្នកណែនាំច្បាប់នេះ បាននិយាយថាវាជាជំហានមួយឆ្ពោះទៅរកអនាគតគ្មានផ្សែង។
លោកស្រីបញ្ជាក់ទៀតថា «ប្រជាជនរាប់ពាន់នាក់នឹងរស់នៅបានយូរជាងមុន មានសុខភាពល្អជាងមុន ហើយប្រព័ន្ធសុខាភិបាលនឹងសល់លុយ ៣,២ពាន់លានដុល្លារពីតម្រូវការដើម្បីព្យាបាលជំងឺផ្សេងៗបង្កឡើងដោយសារការជក់បារី»។
សូមបញ្ជាក់ថា អត្រាជក់បារីនៅនូវែលសេឡង់ស្ថិតក្នុងកម្រិតទាបរួចមកហើយ ដោយមនុស្សពេញវ័យចំនួន ៨ភាគរយប៉ុណ្ណោះជក់បារីជារៀងរាល់ថ្ងៃ។ នេះបើយោងតាមស្ថិតិរបស់រដ្ឋាភិបាលកាលពីខែវិច្ឆការ។
នូវែលសេឡង់សង្ឃឹមថា ច្បាប់បរិស្ថានគ្មានផ្សែង (Smokefree Environment) នឹងកាត់បន្ថយអត្រាជក់បារីមកតិចជាង ៥ភាគរយនៅក្នុងឆ្នាំ ២០២៥។
ច្បាប់នេះក៏ត្រូវតាក់តែងឡើងដើម្បីកម្រិតចំនួនអ្នកលក់បារីផងដែរមកត្រឹម ៦០០ទូទាំងប្រទេស ដែលបច្ចុប្បន្នមាន ៦.០០០ និងកាត់បន្ថយកម្រិតជាតិនីកូទីននៅក្នុងផលិតផលបារីដើម្បីធ្វើឱ្យវាមិនសូវញៀ.ន៕ (យោងតាមប្រភព៖ BBC)
ចែករំលែកព័តមាននេះ