បន្ទាយមានជ័យ ៖ ពលរដ្ឋចេញចូលផ្សាររុងក្លឿទឹកដីថៃ ដើម្បីប្រកបរបរ និងធ្វើអាជីវកម្មផ្សេងៗតាមច្រកទ្វារអន្តរជាតិប៉ោយប៉ែត បានកកស្ទះប្រហែល២០នាទីនៅព្រឹក ថ្ងៃទី០៩ ខែមិថុនា ឆ្នាំ២០១៧ នេះ ដោយសារអស់សំបុត្រដែលត្រូវចែក ដោយអត់គិតថ្លៃ តែមួយប្រព្រិចភ្នែក ។
សមត្ថកិច្ចនៅទីតាំងចែកសំបុត្រដល់ពលរដ្ឋជាប់គល់ស្ពានមិត្តភាពកម្ពុជា-ថៃ ប្រាប់កោះសន្តិភាពថា ៖ កាលពីម្សិលមិញលោកបានប្រាប់តាមទូរស័ព្ទទៅមន្ត្រីសាលាក្រុងប៉ោយប៉ែតដែរ ពីបញ្ហាសំបុត្រដែលត្រូវចែកជិតអស់គឺនៅសល់តែ២៤ ទៅ២៥ក្បាលទេ ដោយក្នុង១ក្បាល មាន ១០០សំបុត្រ ។ សមត្ថកិច្ចដដែលនេះបន្តថា សំបុត្រ២៤ ទៅ២៥ក្បាលនោះ ខណៈចែកអស់មិនឃើញមន្ត្រីសាលាក្រុងយកមកឲ្យទេ ទើបមានការកកស្ទះប្រហែល២០នាទីបែបនេះ ។
នៅពេលសំបុត្រជាច្រើនបានមកដល់ទីតាំចែក គេឃើញពលរដ្ឋបានប្រជ្រៀតគ្នាចូលយកកកកុញតែម្តង ។ យ៉ាងណាក៏ដោយ បញ្ហានេះបានវិលទៅរកភាពប្រក្រតីឡើងវិញ ហើយសំបុត្រចេញចូលដីថៃសម្រាប់អ្នកក្រុងប៉ោយប៉ែតនៅតែចែកជូនដោយអត់គិតថ្លៃដដែល ៕
ចែករំលែកព័តមាននេះ