ខេត្តព្រះសីហនុ ៖ យុវជនម្នាក់បានស្លាប់បាត់បង់ជីវិតនៅនឹងកន្លែង ក្នុងខណៈកំពុងបើកបរម៉ូតូ ហើយត្រូវរថយន្តធន់ធំមួយគ្រឿងបុក និងកិនចំក្បាល ខណៈធ្វើដំណើរស្របទិសគ្នា ។ ហេតុការណ៍នេះបានកើតមានឡើងកាលពីវេលាម៉ោង៦និង២០ព្រឹក ថ្ងៃទី០៩ ខែមិថុនា ឆ្នាំ២០១៧ នេះ នៅតាមបណ្តោយផ្លូវសម្តេចសង្ឃ(វាលរេញ-ស្ទឹងហាវ) ចន្លោះស្ពាន១២-១៣ ស្ថិតក្នុងភូមិ(ខ)៣ ឃុំសំរុង ស្រុកព្រៃនប់ ខេត្តព្រះសីហនុ ។
ប្រភពពីកន្លែងកើតហេតុបានឲ្យដឹងថា គ្រោះថ្នាក់បានបង្កឡើងដោយរថយន្តធុនធំមួយគ្រឿងម៉ាក FREIGTUNER ពណ៌ក្រហមលាយស ក្រុមហ៊ុន សូគីម៉ិច មានទិសដៅពីវាលរេញ ឆ្ពោះទៅស្ទឹងហាវ លុះដល់ចំណុចខាងលើ ក៏បានបុកពីខាងក្រោយម៉ូតូមួយគ្រឿងម៉ាក HONDA WAVE ពណ៌ក្រហម គ្មានផ្លាកលេខ បើកបរដោយឈ្មោះ ខេន សុខណា ភេទប្រុស អាយុ១៨ឆ្នាំ មុខរបរសិស្ស មានទីលំនៅចំណុចភ្នំតាង៉ោល ស្ថិតក្នុងភូមិអូត្រជាក់ចិត្ត ឃុំសំរុង ស្រុកព្រៃនប់ គ្រោះថ្នាក់នេះបណ្ដាលឲ្យអ្នកបើកបរម៉ូតូស្លាប់នឹងកន្លែងកើតហេតុ ។ ប្រភពដដែលបានបន្តទៀតថា មូលហេតុដែលបង្កឲ្យមានគ្រោះថ្នាក់នេះឡើង គឺបណ្តាលមកពីរភាគីបើកបរម៉ូតូ បានបត់មកឆ្វេងដៃឆ្លងផ្លូវ ជាអកុសល្យបត់មិនទាន់ផុតផង រថយន្តខាងលើបានមកដល់ ក៏បុកពេញទំហឹងតែម្តង ។
ក្រោយកើតហេតុ រថយន្តនៅតែបន្តទៅមុខរហូតជាង០១គីឡូមែត្រ ទើបឈប់រត់បាត់តែម្តង។ សពត្រូវបានក្រុមគ្រួសារយកទៅធ្វើបុណ្យតាមប្រពៃណី ។ ឬឯវត្ថុតាង រថយន្តមួយគ្រឿង និងម៉ូតូ ត្រូវបានយកទៅរក្សាទុកនៅអធិការដ្ឋាននគរបាលស្រុកព្រៃនប់ ដើម្បីចាត់ការតាមនីតិវិធី ។
ចែករំលែកព័តមាននេះ