ជនសង្ស័យ២នាក់ មុខសញ្ញាលក់ថ្នាំញៀនឲ្យសិស្សសាលា
ខេត្តកំពង់ធំ ៖ យុវជន២នាក់ត្រូវបានសមត្ថកិច្ចឃាត់ខ្លួន ហើយកសាងសំណុំរឿងបញ្ជូនទៅកាន់សាលាដំបូងខេត្ត នៅថ្ងៃទី០៨ ខែមិថុនា ឆ្នាំ២០១៧នេះ។
ខេត្តកំពង់ធំ ៖ យុវជន២នាក់ត្រូវបានសមត្ថកិច្ចឃាត់ខ្លួន ហើយកសាងសំណុំរឿងបញ្ជូនទៅកាន់សាលាដំបូងខេត្ត នៅថ្ងៃទី០៨ ខែមិថុនា ឆ្នាំ២០១៧នេះ។
ខេត្តកំពង់ធំ ៖ យុវជន២នាក់ត្រូវបានសមត្ថកិច្ចឃាត់ខ្លួន ហើយកសាងសំណុំរឿងបញ្ជូនទៅកាន់សាលាដំបូងខេត្ត នៅថ្ងៃទី០៨ ខែមិថុនា ឆ្នាំ២០១៧នេះ។ លោកវរសេនីយ៍ទោ ឃុន ប៊ុនហួ មេបញ្ជាការកងរាជអាវុធហត្ថស្រុកបារាយណ៍បានប្រាប់ឲ្យដឹងថា យុវជនទាំង២នាក់ដែលកម្លាំងរបស់លោកធ្វើការឃាត់ខ្លួនបានកាលពីយប់ថ្ងៃទី០៧ ខែមិថុនា ឆ្នាំ២០១៧ នៅចំណុចភូមិតាត្រាវ ឃុំបល្ល័ង្ក ស្រុកបារាយណ៍ ខេត្តកំពង់ធំ ពីបទចែកចាយគ្រឿងញៀន។ ជនសង្ស័យទី១.ឈ្មោះ ម៉ិក ដារីន ភេទប្រុស អាយុ២១ឆ្នាំ និងទី២.ឈ្មោះ ហួត ទី ភេទប្រុស អាយុ១៨ឆ្នាំ អ្នកទាំង២រស់នៅភូមិឃុំកើតហេតុខាងលើ រួមជាមួយវត្ថុតាងមានថ្នាំញៀនប្រភេទ មេតំហ្វេតាមីន (ហៅម៉ាទឹកកក) ចំនួន០៩កញ្ចប់តូច លុយខ្មែរ២០ម៉ឺនរៀល ទូរស័ព្ទ១គ្រឿង និងថង់សម្រាប់ច្រកមួយចំនួនទៀត។
លោកមេបញ្ជាការបន្តថា នៅចំពោះមុខសមត្ថកិច្ចជនសង្ស័យបានសារភាពថា ពួកគេទាំង២នាក់ពិតជាបានប្រកបមុខរបរជួញដូរគ្រឿងញៀនពិតមែន ដោយរូបគេមានម៉ូយមកពីខេត្តផ្សេងយកមកលក់ឲ្យ ហើយពួកគេបានយកថ្នាំញៀនទាំងអស់នេះទៅធ្វើការចែកចាយបន្តដល់ពួកអ្នកញៀនថ្នាំនៅក្នុងស្រុកបារាយណ៍ និងដើរលក់ដល់កំពង់ធំទៀតផង ជាពិសេសគឺសិស្សៗសាលាតែម្តង។ ក្រោយពីចងក្រងសំណុំរឿងរួចក៏បញ្ជូនជនសង្ស័យទាំង២នាក់ និងវត្ថុតាងមកកាន់ទីបញ្ជាការកងរាជអាវុធហត្ថខេត្តនៅថ្ងៃទី០៨ ខែមិថុនា ឆ្នាំ២០១៧ ដើម្បីចាត់ការបន្តទៅកាន់សាលាដំបូងខេត្ត ដើម្បីអនុវត្តទៅតាមផ្លូវច្បាប់៕
ចែករំលែកព័តមាននេះ