សូមសប្បុរសជននានា ពិសេសរាជរដ្ឋាភិបាលសូមមេត្តាជួយសាងសង់សាលារៀននេះផង
ខេត្តកំពង់ឆ្នាំង ៖ សាលាបឋមសិក្សាជីប្រង មានទីតាំងស្ថិតក្នុងភូមិជីប្រង ឃុំជៀប ស្រុកទឹកផុស ខេត្តកំពង់ឆ្នាំង គឺជាសាលាមួយដែលសិស្សកំពុងតែរៀនក្នុងរោងដោល
ខេត្តកំពង់ឆ្នាំង ៖ សាលាបឋមសិក្សាជីប្រង មានទីតាំងស្ថិតក្នុងភូមិជីប្រង ឃុំជៀប ស្រុកទឹកផុស ខេត្តកំពង់ឆ្នាំង គឺជាសាលាមួយដែលសិស្សកំពុងតែរៀនក្នុងរោងដោល
ខេត្តកំពង់ឆ្នាំង ៖ សាលាបឋមសិក្សាជីប្រង មានទីតាំងស្ថិតក្នុងភូមិជីប្រង ឃុំជៀប ស្រុកទឹកផុស ខេត្តកំពង់ឆ្នាំង គឺជាសាលាមួយដែលសិស្សកំពុងតែរៀនក្នុងរោងដោល និងសាលាបុណ្យភូមិ បើប៉ះចំថ្ងៃធ្វើបុណ្យវិញសិស្សត្រូវបង្ខំចិត្ត ចុះមករៀននៅដីដោយអង្គុយដំកង់គ្នា។ នេះបើតាមការរៀបរាប់ពីលោកគ្រួអ្នកគ្រូនៅសាលានោះ ។ លោកគ្រូ យិន សារ៉ាន់ បង្រៀនថ្នាក់ទី៥ និងទី៦ នៅសាលាបឋមសិក្សាជីប្រងនេះ បានរៀបរាប់ថា សព្វថ្ងៃនេះ សាលាបឋមសិក្សា ជីប្រងនេះ ជាសាលាមួយមាន៣បន្ទប់ប៉ុណ្ណោះ ក្នុងនោះ២បន្ទប់ក្នុងរោងដោល និង១បន្ទប់គឺលើសាលាបុណ្យភូមិ។ ក្នុងបន្ទប់នីមួយៗបានចែកជាពីរថ្នាក់ សរុបបាន៦ថ្នាក់ មានពីថ្នាក់ទី១ ដល់ទី៦ ដោយក្នុងនោះថ្នាក់ទី១ ដាក់បន្ទប់ជាមួយថ្នាក់ទី២ ចំណែកថ្នាក់ទី៣ ដាក់ជាមួយថ្នាក់ទី៤ ដោយឡែកលើសាលាបុណ្យមានថ្នាក់ទី៥ និងទី៦។
បច្ចុប្បន្នបានជួបការលំបាកខ្លាំង ព្រោះតែការរៀនសូត្ររបស់សិស្ស ក្នុងរោងដោល ក្នុងរោងបុណ្យ គ្មានបន្ទប់បិទបាំង ល្ហល្ហេវ សិស្សគ្មានអារម្មណ៍មូលក្នុងការរៀនសូត្រ ព្រមជាមួយទទួលការរំខានពីសំឡេងខាងក្រៅជាដើម ហើយពេលភ្លៀងម្តងៗ បានសាច និងលិច សិស្សរៀនមិនកើត។ ចំណែកលោក សុង ខា នាយកសាលាបានបញ្ជាក់ដែរថា ពេលសាលាបុណ្យភូមិ ត្រូវធ្វើបុណ្យ សិស្សត្រូវបង្ខំចិត្តចុះមករៀនអង្គុយនៅដី ដោយផ្តុំគ្នា។
ជាមួយគ្នានោះដែរ លោក ជ័យ ឈិន មេភូមិជីប្រង វិញបានមានប្រសាសន៍ថា សាលារៀននេះបានរៀនក្នុងរោងដោល និងក្នុងសាលាបុណ្យនេះ ជាយូរឆ្នាំណាស់មកហើយ ហេតុនេះក្នុងនាមលោកជាអាជ្ញាធរភូមិ លោកគ្រូ អ្នកគ្រួ លោកនាយកសាលា សូមអំពាវនាវដល់សប្បុរជន អាជ្ញាធរខេត្ត និងប្រមុខរាជរដ្ឋាភិបាលសូមមេត្តាជួយសាងសង់សាលារៀនមួយខ្នងនៅទីនេះផង យ៉ាងហោចណាស់បានត្រឹម៣បន្ទប់ក៏ត្រេកអរទទួលយកដែរ ហើយបើបានមួយខ្នង ៦បន្ទប់រឹតតែសប្បាយចិត្ត ព្រោះសព្វថ្ងៃកំពុងខ្វះថ្នាក់រៀនខ្លាំងណាស់។ បើតាមសម្ដីលោកគ្រូ អ្នកគ្រូ បានបញ្ជាក់ថា សព្វថ្ងៃនេះដោយសារតែបញ្ហាសាលាមានមានលក្ខណៈខ្វះស្តង់ដាសម្រាប់សិស្ស ធ្វើឲ្យសិស្សមួយចំនួនបានចាកចេញទៅរៀននៅសាលាផ្សេង បន្ទាប់ពីសាលារៀនមួយចំនួន បានកសាងនៅភូមិផ្សេងៗ ដែលនៅឆ្ងាយពីភូមិនេះ៕
ចែករំលែកព័តមាននេះ