រាជធានីភ្នំពេញ ៖ បុរសម្នាក់បានចុះមកមុជទឹកក្នុងស្រះរួច ហើយក៏ដើរមកកាន់ស្រះទឹកមួយកន្លែងក្នុងវត្តវត្ត ដើម្បីរកផ្លែសន្ទូចដែលបានដាច់បាត់កាលពីពេលកន្លងមក ស្រាប់តែ
រាជធានីភ្នំពេញ ៖ បុរសវ័យចំណាស់ម្នាក់ដែលមានសភាពហើម និងជះក្លិនស្អុយទៅហើយនោះ ត្រូវគេប្រទះឃើញអណ្តែតនៅក្នុងស្រះទឹកមួយកន្លែងក្នុងវត្តបង្កឱ្យមានការភ្ញាក់ផ្អើលយ៉ាងខ្លាំង ខណៈដែលបុរសម្នាក់ទៅមុជទឹក ហេតុការណ៍នេះកើតឡើងកាលពីវេលាម៉ោង១១និង៤៥នាទីព្រឹក ថ្ងៃទី០៨ ខែ មិថុនា ឆ្នាំ២០១៧ នៅចំណុចស្រះទឹក ស្ថិតនៅក្នុងវត្តតាំងក្រសាំងខាងជើង ភូមិចំការឪឡឹក ក្នុងសង្កាត់កាកាប ខណ្ឌពោធិ៍សែនជ័យ។
បុរសរងគ្រោះឈ្មោះ លីន តូច អាយុ៥២ឆ្នាំ មុខរបរនៅផ្ទះ មានប្រពន្ធឈ្មោះ ពេជ្រ ឈឿន អាយុ៤៨ឆ្នាំ និងកូនស្រី៨នាក់ មានទីលំនៅក្នុងភូមិចំការឪឡឹក សង្កាត់កាកាប ខណ្ឌពោធិសែនជ័យ ក្បែរកន្លែងកើតហេតុ។
ស្ត្រីជាកូនស្រីរៀបរាប់ប្រាប់ថា ឪពុករបស់គាត់តែងចេញពីផ្ទះបាត់ៗតាំងពីព្រឹកដល់យប់ទើបចូលផ្ទះ ដោយដើររកដកក្រអៅឈូក និងបេះផ្លែឈូក ហើយបានបាត់ពីផ្ទះតាំងពីល្ងាចថ្ងៃទី៦មកម្ល៉េះ ខណៈនោះគាត់ដើររកដែរ តែមិនឃើញសោះ គឺរយៈពេល២យប់៣ថ្ងៃហើយ ស្រាប់តែគេរត់ទៅប្រាប់ថា មានសពមួយអណ្តែតនៅស្រះទឹកក្នុងវត្ត ក៏នាំគ្នារត់មកមើល ទើបដឹងថាជាឪពុករបស់គាត់បាត់ខ្លួននោះ។ បើតាមនគរបាលបានឱ្យដឹងថា មុនពេលកើតហេតុបុរសម្នាក់មកមុជទឹកក្នុងស្រះមួយកន្លែងក្បែរស្រះកើតហេតុ ហើយក៏ដើរមកកាន់ស្រះទឹកខាងលើ ដើម្បីរកផ្លែសន្ទូចរបស់គាត់ដែលដាច់កាលពីថ្ងៃមុន ពេលនោះមានក្លិនស្អុយយ៉ាងខ្លាំង ក៏ដើររកមើល ស្រាប់តែប្រទះឃើញសពអណ្តែតទឹកក្នុងស្រះ ទើបរត់ទៅប្រាប់គេឯងបង្កការភ្ញាក់ផ្អើលតែម្តង។
ក្រោយពីមានការភ្ញាក់ផ្អើលរួចហើយ កម្លាំងសមត្ថកិច្ចបានចុះមកដល់កន្លែងកើតហេតុធ្វើការពិនិត្យឃើញថា ជនរងគ្រោះបានស្លាប់ដោយសារតែការលង់ទឹក ទើបប្រគល់ឱ្យក្រុមគ្រួសារយកទៅធ្វើបុណ្យទៅតាមប្រពៃណី៕
ចែករំលែកព័តមាននេះ