រាជធានីភ្នំពេញ ៖ នាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ កាលរសៀលថ្ងៃទី០៧ មិថុនា បានចុះអនុវត្ដតាមពាក្យបណ្ដឹងរបស់ក្រុមហ៊ុន អ៊ែត វ៉ូត ស្ដីពីការំលោភសិទ្ធិចែកចាយស្រាបៀ Budweisr ដែលនាំចូលមកពីប្រទេសចិន ប្រមាណ ៣១៥កេស ។
ការចុះអនុវត្តលើពាក្យបណ្តឹងក្រុមហ៊ុនមួយនោះ គឺដឹកនាំកម្លាំងដោយលោកឧត្តមសេនីយ៍ទោ ឡុង ស្រេង អនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ និងមានការសម្របសម្រួលពីលោកលី សុផាណា ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ។
ឈ្មួញមួយក្រុមស្តុកទុកស្រាបៀ Budweisr នៅទីតាំងមួយកន្លែង ផ្លូវលេខ៣៨៤ ឃ្លាំងលេខ២៤ សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ ដែលបម្រុងធ្វើចរាចរណ៍លើទីផ្សារប្រមាណ៣១៥កេស ។ លោកឡុង ស្រេង បន្តថា ក្រោយពីសមត្តកិច្ចចុះអនុវត្តលើពាក្យបណ្តឹងនោះ គូភាគីទាំងពីរពោល គឺភាគីខាងក្រុមហ៊ុន និងចុងចោទឈ្មួញចិនមួយក្រុមនោះ បានចរចាត្រូវរ៉ូវគ្នាដោយប្រគល់ស្រាបៀនោះ ទៅឱ្យខាងក្រុមហ៊ុនវិញ ដើម្បីរឿង ។
ចែករំលែកព័តមាននេះ