រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ ថា នៅពេលខាងមុខនេះតំបន់មួយចំនួនរបស់ប្រទេសកម្ពុជានឹងចុះត្រជាក់រហូតដល់១៦អង្សាសេ ដូច្នេះសូមបងប្អូនប្រជាពលរដ្ឋសម្ភារៈសម្រាប់ការពារដូចជាសម្លៀកបំពាក់ក្រាស់ៗជាដើម។
យោងតាមសេចក្តីជូនដំណឹងស្តីពីស្ថានភាពធាតុអាកាស ចាប់ពីថ្ងៃទី១៤-២០ ខែធ្នូ ឆ្នាំ២០២២ របស់ក្រសួងធនធានទឹក និងឧតុនិយម នៅថ្ងៃទី១៣ ធ្នូ ឆ្នាំ២០២២បានឲ្យដឹងថា ក្នុងមួយសប្តាហ៍ខាងមុខកម្ពុជានឹងទទួលរងឥទ្ធិពលពីទ្រនុងសម្ពាធខ្ពស់(ចិន) និងខ្យល់មូសុងឦសាន្តក្នុងកម្រិតពីបង្គូរទៅខ្លាំង។
ក្រសួងបានលើកឡើងថា ស្ថានភាពបែបនេះនឹងធ្វើឲ្យតំបន់ទំនាបកណ្តាលមានសីតុណ្ហភាពអប្បបរមាមានពី១៨-២២អង្សាសេ និងសីតុណ្ណភាពអតិបរមាមានពី ២៩-៣១អង្សសេ។សីតុណ្ណភាពអប្បបរមានឹងអាចចុះត្រជាក់ក្នុងរង្វង់ពី ១៦-១៩អង្សាសេនៅប ណ្តា ខេត្តមួយចំនួន ៖ ខេត្តបន្ទាយមានជ័យ ប៉ៃលិន សៀមរាប និងខេត្តបាត់ដំបង។
ចំណែកតំបន់ខ្ពង់រាបមាន សីតុណ្ហភាពអប្បបរមា មានពី១៦-១៩ អង្សាសេ និងសីតុណ្ហភាពអតិបរមាមានពី២៨-៣០អង្សាសេ។សីតុណ្ណភាពអប្បបរមានឹងអាចចុះត្រជាក់ក្នុងរង្វង់ពី១៦-១៨ អង្សាសេនៅបណ្តាខេត្តមួយចំនួន៖ខេត្តមណ្ឌលគិរី រតនគិរី ព្រះវិហារ និងខេត្តឧត្តរមានជ័យ។
ដោយឡែកតំបន់មាត់សមុទ្រសីតុណ្ហភាពអប្បបរមាមានពី១៩-២១ អង្សាសេ និងសីតុណ្ណភាពអតិបរមាមានពី២៩-៣១ អង្សាសេសីតុណ្ណភាពអប្បបរមា នឹងអាចចុះត្រជាក់ក្នុងរង្វង់ពី១៨-២០អង្សាសេ។នៅលើផ្ទៃសមុទ្រអាចមានរលកក្នុងកម្រិតពីមធ្យមទៅ បង្គួរ។
ជាមួយគ្នានោះដែរ ក្រសួងបានសូមឲ្យប្រជាពលរដ្ឋប្រុងប្រយ័ត្ន ជាពិសេសប្រជាពលរដ្ឋ និងវីរៈកងទ័ពដែលរស់នៅ និងឈរជើងនៅតំបន់ជួរភ្នំដងរែក និងខ្ពង់រាបភាពឦសាន្ត ព្រមទាំងប្រជានេសាទសូមបង្កើនការយកចិត្តទុកដាក់ថែរក្សាសុខភាពចំពោះស្ថានភាពចុះត្រជាក់នេះ ៕
ចែករំលែកព័តមាននេះ