រាជធានីភ្នំពេញ ៖ សេចក្តីរាយការណ៍ឱ្យដឹងថា រថយន្តតាក់ស៊ីម៉ែត្រ ជាមួយរថយន្តឡិចស៊ីស៥៧០ ខណៈបើកខ្វះការប្រុងប្រយ័ត្ន ក៏ជ្រុលបុកគ្នាយ៉ាងពេញទំហឹង បណ្តាលឱ្យរថយន្តរងការខូចខាតទាំងសងខាង តែមិនបង្កគ្រោះថ្នាក់ដល់អ្នកបើកបរទេ កើតឡើងនៅ
រាជធានីភ្នំពេញ ៖ សេចក្តីរាយការណ៍ឱ្យដឹងថា រថយន្តតាក់ស៊ីម៉ែត្រ ជាមួយរថយន្តឡិចស៊ីស៥៧០ ខណៈបើកខ្វះការប្រុងប្រយ័ត្ន ក៏ជ្រុលបុកគ្នាយ៉ាងពេញទំហឹង បណ្តាលឱ្យរថយន្តរងការខូចខាតទាំងសងខាង តែមិនបង្កគ្រោះថ្នាក់ដល់អ្នកបើកបរទេ កើតឡើងនៅត្រង់ចំណុចផ្លូវបំបែកជាបួន កាលពីវេលាម៉ោង០៧ និង៣០នាទីយប់ថ្ងៃទី៧ មិថុនា លើផ្លូវ៩៩កែងផ្លូវ៤៣៦ ក្នុងសង្កាត់បឹងត្របែក ខណ្ឌចំការមន ។
ប្រភពឱ្យដឹងថា មុនពេលកើតហេតុ គេឃើញបុរសវ័យ២៥ឆ្នាំ បើករថយន្តម៉ាកឡិចស៊ីស៥៧០ ពណ៌.ស ពាក់ស្លាកលេខភ្នំពេញ2AP-5999 ធ្វើដំណើរតាមផ្លូវលេខ៩៩ ក្នុងទិសដៅពីត្បូងទៅជើង ។ ខណៈមកដល់ចំណុចកើតហេតុ ជាផ្លូវបំបែកជាបួន ស្រាប់តែ បុរសម្នាក់អាយុជាង៣០ឆ្នាំ បានបើករថយន្តតាក់ស៊ីម៉ាកតូយ៉ូតា ពណ៌បៃតងខ្ចី ពាក់ស្លាកលេខ ភ្នំពេញ2AM-5992 ធ្វើដំណើរតាមផ្លូវ ៤៣៦ ក្នុងទិសដៅពីកើតទៅលិចល្បឿនលឿនដូចគ្នា បុកនិងរថយន្តឡិចស៊ីសចំគូទក្រោយចំហៀងខាងស្ដាំ បណ្តាលឡិចស៊ីសរងកាខូចខាតក្រពិតកាងខាងក្រោយ ចំហៀងខាងស្ដាំ ។ រីឯរថយន្តតាក់ស៊ី រងកាខូចខាត ដាច់កាងខាងមុខគាបជាប់រថយន្តលុចស៊ីស។
ក្នុងហេតុការណ៍នេះ ភាគីទាំងសងខាងបានចោទប្រកាន់ដាក់គ្នារកត្រូវរៀងៗខ្លួន ។ ក្រោយពេលកើតហេតុ សមត្ថកិច្ចមូលដ្ឋាននិងជំនាញបានចុះទៅដល់កន្លែងកើតហេតុ រួចហើយបានឱ្យភាគីទាំងសងខាង ឮសំរបសំរួលគ្នា ដោយខាងរថយន្តតាក់ស៊ីម៉ែត្រទាមទារសំណង តែមិននិយាយថ្លៃនោះទេ ។ រីឯឡិចស៊ីស៥៧០វិញ បានទារសំណង៥ពាន់ដុល្លារ ។ ដោយសារតែការនិយាយចរចាគ្នានៅកន្លែងកើតហេតុមិនត្រូវគ្នា រថយន្តទាំងពីរគ្រឿងត្រូវសមត្ថកិច្ចធ្វើវាស់វែង រួចយកទៅរក្សាទុកនៅការិយាល័យចរាចរណ៍ផ្លូវគោក ។
ចែករំលែកព័តមាននេះ