អាចោរជើង១ឃាត់ខ្លួនម្ចាស់ផ្ទះនិងអ្នកលេង
ខេត្តសៀមរាប ៖ នគរបាលការិយាល័យព្រហ្មទណ្ឌកម្រិតស្រាលខេត្ត សហការជាមួយនគរបាលការិយាល័យអន្តរាគមន៍ កាលពីថ្ងៃទី៧ ខែមិថុនា បានបង្ក្រាបវង់អាចោរជើង១ នៅភូមិមណ្ឌល៣
ខេត្តសៀមរាប ៖ នគរបាលការិយាល័យព្រហ្មទណ្ឌកម្រិតស្រាលខេត្ត សហការជាមួយនគរបាលការិយាល័យអន្តរាគមន៍ កាលពីថ្ងៃទី៧ ខែមិថុនា បានបង្ក្រាបវង់អាចោរជើង១ នៅភូមិមណ្ឌល៣
ខេត្តសៀមរាប ៖ នគរបាលការិយាល័យព្រហ្មទណ្ឌកម្រិតស្រាលខេត្ត សហការជាមួយនគរបាលការិយាល័យអន្តរាគមន៍ កាលពីថ្ងៃទី៧ ខែមិថុនា បានបង្ក្រាបវង់អាចោរជើង១ នៅភូមិមណ្ឌល៣ សង្កាត់ស្លក្រាម ក្រុងសៀមរាប ដោយឃាត់ខ្លួនអ្នកញៀនល្បែងអាប៉ោងប្រុសស្រីបាន១៣នាក់ ។
លោកវរសេនីយ៍ទោ ហង្ស សុផាត ភីរម្យ នាយការិយាល័យនគរបាលព្រហ្មទណ្ឌកម្រិតស្រាល ឲ្យដឹងថា ក្នុងចំណោមអ្នកដែលត្រូវបានឃាត់ខ្លួនទាំង១៣នាក់នេះ មាន៣នាក់ត្រូវបានកសាងសំណុំរឿងបញ្ជូនទៅសាលាដំបូង រីឯ១០នាក់ទៀតមានប្រុសមានស្រីត្រូវបានធ្វើការអប់រំណែនាំនិងឲ្យធ្វើកិច្ចសន្យារួចឲ្យត្រឡប់ទៅផ្ទះវិញ ។
ជន៣នាក់ដែលត្រូវបានបញ្ជូនទៅសាលាដំបូងមាន ១-ឈ្មោះ ស្រង រ៉ា ភេទប្រុស អាយុ៤២ឆ្នាំ ទីលំនៅភូមិមណ្ឌល៣ សង្កាត់ស្លក្រាម ជាម្ចាស់ទីតាំង ២-ឈ្មោះ សុខ ម៉ឹង ហៅប៉ាវ ហៅវី ភេទប្រុស អាយុ៥៨ឆ្នាំ ទីលំនៅភូមិមណ្ឌល៣ ជាមេបាញ់អាប៉ោង និង៣-ឈ្មោ ហ៊ត់ បូ ភេទប្រុស អាយុ៤២ឆ្នាំ ជាមេបាញ់អាប៉ោង ទីលំនៅភូមិគោកបេង សង្កាត់គោកចក ក្រុងសៀមរាប។
ជាមួយនឹងការឃាត់ខ្លួននេះ សមត្ថកិច្ចក៏បានដកហូតវត្ថុតាងមាន ម៉ូតូ១៤គ្រឿង មេអាប៉ោង៣គ្រាប់ ចានអាប៉ោង១ គម្របចានអាប៉ោង១ និងបៀ២ហូ៑ ៕
ចែករំលែកព័តមាននេះ