តាម​ប្រភព​ព័ត៌មាន The Sun បាន​ឲ្យ​ដឹង​ថា កូនប្រុស​បង្កើត​របស់ Cristiano Ronaldo បាន​ទទួល​ពាន​ចំនូ​ន​២ ខណៈ​ពេល​ដែល​ឪពុក​ទទួល​បាន​ជ័យ​ជំនះ​លើ​ការ​ប្រកួត​ផ្តាច់ព្រ័ត្រ Champions League ។ 

ក្រោយ​ពី​បាន​ទទួល​ជោគជ័យ​លើ​ការ​ប្រកួត​ដណ្តើម​ពាន La Liga និង​ពាន Champion League កីឡាករ​លំដាប់​ពិភពលោក​របស់​ក្រុម Real Madrid លោក Cristiano Ronaldo មាន​មោទនភាព​កាន់តែ​ទ្វេ​ដង បន្ទាប់​ពី​កូនប្រុស​បង្កើត​របស់​ខ្លួន Cristiano Jr បាន​ឈ្នះ​ពាន​២ ដែល​មួយ​ជា​ពាន Cup និង​មួយទៀត​ជា​ពាន​ស៊ុត​បញ្ចូល​ទី​បាន​ច្រើន​ជាងគេ ។  

ដើម្បី​អបអរ​ដល់​កូនប្រុស​របស់​ខ្លួន Ronaldo បាន​សរសេរ​បង្ហោះ​ក្នុង Instagram ជាមួយនឹង​រូបថត ថា ៖ “​ពិតជា​មាន​មោទនភាព​ចំពោះ​កូន​សម្លាញ់ ។ អបអរ​ជ័យ​ជំនះ Copa ២០១៧ និង​ពាន​ស៊ុត​ចូល​ទី​បាន​ច្រើន​ជាងគេ​” ៕