ខេត្តបាត់ដំបង ៖ សេចក្តីរាយការណ៍ឱ្យដឹងថា ចាប់តាំងពីវេលាម៉ោង០៨ និង៤០នាទីព្រឹកថ្ងៃទី០៨ មិថុនា នេះ នៅក្រុងបាត់ដំបង បាននិងធ្លាក់ភ្លៀង ដែលគ្របដណ្ដប់ដោយមេឃស្រទុំអាប់អួរទាំងព្រឹកស្ទើរទូទាំងខេត្តទៅហើយ ។
គួរបញ្ជាក់ថា ទឹកភ្លៀងបានហូរជោរជន់រហូតដល់លិចផ្លូវមួយចំនួនហើយ ស្ថិតក្នុងក្រុងបាត់ដំបង ដោយគិតមកត្រឹមវេលាម៉ោង០២ និង៤០នាទីរសៀលថ្ងៃទី០៧ មិថុនា។ ភ្លៀងបានចាប់ផ្តើមធ្លាក់មក តាំងពីវេលាម៉ោង០១ និង៣០នាទីរសៀលមកម្ល៉េះ ដែលពិតជាធ្លាក់មកខ្លាំងណាស់ រហូតធ្វើឱ្យលិចផ្លូវទឹកហូរលែងទាន់បែបនេះ ។
ទោះបីជាយ៉ាងណា មិនមានសេចក្តីរាយការណ៍ថា បានបង្កគ្រោះថ្នាក់ដល់មនុស្សនោះទេ ប៉ុន្តែក៏សុំឱ្យប្រជាពលរដ្ឋទាំងអស់ ត្រូវតែមានការប្រុងប្រយ័ត្នឱ្យបានខ្ពស់ កុំប្រហែលខ្លួនឱ្យសោះ ។
ចែករំលែកព័តមាននេះ