លោកយាយវ័យ៩០ឆ្នាំម្នាក់ ទើបបញ្ចប់ការសិក្សា ក្រោយបោះបង់ចោលអស់ជាង៧០ឆ្នាំ
អាមេរិក ៖ លោកយាយវ័យ ៩០ឆ្នាំម្នាក់នឹងឡើងលើឆាកដើម្បីទទួលសញ្ញាប័ត្ររបស់គាត់ ៧១ឆ្នាំ
អាមេរិក ៖ លោកយាយវ័យ ៩០ឆ្នាំម្នាក់នឹងឡើងលើឆាកដើម្បីទទួលសញ្ញាប័ត្ររបស់គាត់ ៧១ឆ្នាំ
អាមេរិក ៖ លោកយាយវ័យ ៩០ឆ្នាំម្នាក់នឹងឡើងលើឆាកដើម្បីទទួលសញ្ញាប័ត្ររបស់គាត់ ៧១ឆ្នាំបន្ទាប់ពីចុះឈ្មោះចូលសិក្សានៅក្នុងមហាវិទ្យាល័យ។
យុវតី Joyce DeFauw ដែលពីមុនមានឈ្មោះថា Joyce Viola Kane បានចាប់ផ្តើមសិក្សានៅឆ្នាំទី ១នៅសកលវិទ្យាល័យ Northern Illinois សហរដ្ឋអាមេរិកនៅក្នុងឆ្នាំ ១៩៥១ ជាមួយនឹងផែនការបញ្ចប់ថ្នាក់បរិញ្ញាប័ត្រផ្នែកសេដ្ឋកិច្ចផ្ទះ (home economics)។
ប៉ុន្តែផែនការរបស់គាត់បានផ្លាស់ប្តូរ បន្ទាប់ពីបានជួបបុរសពិសេសម្នាក់ដែលបានឆាបឆក់យកបេះដូងរបស់គាត់។
គាត់បានបោះបង់ចោលការសិក្សា បន្ទាប់ពីសិក្សានៅមហាវិទ្យាល័យបានរយៈពេល ៣ឆ្នាំកន្លះ និងបានរៀបការជាមួយបុរសពិសេសរបស់គាត់ឈ្មោះ Don Freeman Sr. នៅក្នុងឆ្នាំ ១៩៥៥។
គាត់ និងស្វាមីមានកូន ៣នាក់ជាមួយគ្នា និងមានកូនចំនួន ៦នាក់ទៀតជាមួយនឹងស្វាមីទី ២។ បច្ចុប្បន្ន លោកយាយវ័យ ៩០ឆ្នាំរូបនេះមានចៅចំនួន ១៧នាក់ និងចៅទួត ២៤នាក់។
នៅក្នុងឆ្នាំ ២០១៩ លោកយាយ Joyce DeFauw បានចាប់អារម្មណ៍ចំពោះការអប់រំនៅមហាវិទ្យាល័យដែលគាត់បានបោះបង់ចោលអស់រយៈពេលជាច្រើនឆ្នាំ និងបានសម្រេចចិត្តចូលសិក្សាវិញតាមកុំព្យូទ័រពីផ្ទះរបស់គាត់ ដោយបានចៅរបស់គាត់ជាអ្នកបង្រៀនពីរបៀបប្រើប្រាស់វា។
លោកយាយបានចូលសិក្សាមួយថ្នាក់សម្រាប់ឆមាសនីមួយៗ រួមទាំងរដូវក្តៅ។ ឥឡូវនេះ បន្ទាប់ពីសិក្សាបាន ៣ឆ្នាំ លោកយាយនឹងត្រូវស្លៀកសំលៀកបំពាក់ទទួលបរិញ្ញាប័ត្រផ្នែកសិក្សាទូទៅពីសកវិទ្យាល័យនៅចុងសប្តាហ៍នេះ។
លោកយាយ Joyce DeFauw សម្តែងការអរគុណយ៉ាងខ្លាំងដែលមានឱកាសត្រឡប់ទៅសាលាវិញ និងទទួលសញ្ញាប័ត្ររបស់គាត់៕ (យោងតាមប្រភព៖ BBC)
ចែករំលែកព័តមាននេះ