រាជធានីភ្នំពេញ ៖ បុរសម្នាក់ជិះម៉ូតូលឿនពេកជ្រុលទៅទាក់ដៃចង្កូត នឹងបង្កាន់ដៃស្ពានអាកាសស្ទឹងមានជ័យ បណ្ដាលឲ្យដួលម៉ូតូរងរបួសបែកក្បាលសន្លប់ស្ដូកស្ដឹង ហេតុការណ៍នេះបានកើតឡើង នៅវេលា០៩និង៥០នាទីយប់ ថ្ងៃទី០៦ ខែមិថុនា ឆ្នាំ២០១៧ នៅលើស្ពានអាកាសស្ទឹងមានជ័យ ផ្លូវ២៧១ សង្កាត់ស្ទឹងមានជ័យ ខណ្ឌមានជ័យ ។
រាជធានីភ្នំពេញ ៖ បុរសម្នាក់ជិះម៉ូតូលឿនពេកជ្រុលទៅទាក់ដៃចង្កូត នឹងបង្កាន់ដៃស្ពានអាកាសស្ទឹងមានជ័យ បណ្ដាលឲ្យដួលម៉ូតូរងរបួសបែកក្បាលសន្លប់ស្ដូកស្ដឹង ហេតុការណ៍នេះបានកើតឡើង នៅវេលា០៩និង៥០នាទីយប់ ថ្ងៃទី០៦ ខែមិថុនា ឆ្នាំ២០១៧ នៅលើស្ពានអាកាសស្ទឹងមានជ័យ ផ្លូវ២៧១ សង្កាត់ស្ទឹងមានជ័យ ខណ្ឌមានជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញបុរសរងគ្រោះខាងលើ មិនដឹងថាគោលបំណងទៅណានោះទេ គឺបានជិះម៉ូតូម៉ាក ហុងដាឌ្រីម ស៊េរីឆ្នាំ២០១៤ ពណ៌ខ្មៅ ពាក់ស្លាកលេខ បាត់ដំបង ១S-០០១៦ បានធ្វើដំណើរតាមផ្លូវ ២៧១ ក្នុងទិសដៅពីត្បូងទៅជើង ពីពេទ្យរុស្ស៊ីទៅស្ពានអាកាសស្ទឹងមានជ័យ ក្នុងល្បឿនយ៉ាងលឿន ខណៈមកដល់ស្ពានអាកាសស្ទឹងមានជ័យ អ្នកបើកម៉ូតូបានបន្ថែមល្បឿនឡើងស្ពាន លុះដល់ចំណុចកើតហេតុ ដែលជាចំណុចផ្លូវកោង អ្នកបើកម៉ូតូមិនបើកកោងតាមផ្លូវ ក៏ជ្រុលទៅទាក់ដៃចង្កូត នឹងបង្កាន់ដៃស្ពានអាកាសស្ទឹងមានជ័យ បណ្ដាលឲ្យដួលម៉ូតូ និងធ្វើឲ្យអ្នកបើកម៉ូតូរងរបួសបែកក្បាលសន្លប់ស្ដូកស្ដឹង ត្រូវបានរថយន្តសង្គ្រោះដឹកយកទៅសង្គ្រោះនៅគ្លីនិកឯកជន ។
ចំណែកម៉ូតូរងការខូចខាតក្រឡិតថ្នាំបន្តិចបន្តួច ។ ក្រោយពេលកើតហេតុនៅសល់តែម៉ូតូរបស់ជនរងគ្រោះ ត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលស្ទឹងមានជ័យ ៕
ចែករំលែកព័តមាននេះ