រាជធានីភ្នំពេញ ៖ ប្រទះឃើញបុរសម្នាក់ដេកដួលក្នុងថ្លុកឈាម រងរបួសសុសពេញខ្លួន បាក់ថ្គាម និងដាច់អណ្ដាតមិនអាចនិយាយបាន សង្ស័យថាជាករណីវាយប្លន់យកម៉ូតូ បង្កឲ្យមានការភ្ញាក់ផ្អើល កាលពីវេលាម៉ោង១២និង៤០នាទីរំលងអធ្រាត្រ ឈានចូលថ្ងៃទី០៧ ខែមិថុនា ឆ្នាំ២០១៧ នៅបណ្តោយផ្លូវរថភ្លើង ស្ថិតក្នុងភូមិដំណាក់ សង្កាត់ភ្នំពេញថ្មី ខណ្ឌសែនសុខ ។
រាជធានីភ្នំពេញ ៖ ប្រទះឃើញបុរសម្នាក់ដេកដួលក្នុងថ្លុកឈាម រងរបួសសុសពេញខ្លួន បាក់ថ្គាម និងដាច់អណ្ដាតមិនអាចនិយាយបាន សង្ស័យថាជាករណីវាយប្លន់យកម៉ូតូ បង្កឲ្យមានការភ្ញាក់ផ្អើល កាលពីវេលាម៉ោង១២និង៤០នាទីរំលងអធ្រាត្រ ឈានចូលថ្ងៃទី០៧ ខែមិថុនា ឆ្នាំ២០១៧ នៅបណ្តោយផ្លូវរថភ្លើង ស្ថិតក្នុងភូមិដំណាក់ សង្កាត់ភ្នំពេញថ្មី ខណ្ឌសែនសុខ ។
បើតាមសាក្សីនៅជុំវិញកន្លែងកើតហេតុបានប្រាប់ថា នៅពេលកើតហេតុគេបានឮសំឡេង ស្រែកហៅឲ្យគេជួយ និងមានការប្រតាយប្រតប់គ្នាមួយប្រាវ ក្រោយមកក៏ស្ងាត់ទៅឃើញបុរសម្នាក់ដេកដួលក្នុងថ្លុកឈាមរងរបួសសុសពេញខ្លួន ។ បន្ទាប់មកសមត្ថកិច្ចបានចុះទៅពិនិត្យនៅកន្លែងកើតហេតុ ឃើញមានបំណែកបាក់ក្បាំងម៉ូតូបន្សល់ទុកនៅកន្លែងកើតហេតុ ព្រមទាំងឈាមនៅជិតស្បែកជើងជនរងគ្រោះ ទើបសមត្ថកិច្ចសង្ស័យថា ជាករណីវាយប្លន់យកម៉ូតូ ។
ក្រោយពេលកើតហេតុ ជនរងគ្រោះត្រូវបានរថយន្តដឹកយកទៅសង្គ្រោះនៅគ្លីនិក រស្មី តែជនរងគ្រោះ រងរបួសធ្ងន់ និងដាច់អណ្ដាតទៀតផង មិនអាចនិយាយបានទេ ។ ករណីខាងលើនេះលោកមេប៉ុស្តិ៍សង្កាត់កាកាប ខណ្ឌពោធិសែនជ័យ បានចុះទៅដល់កន្លែងកើតហេតុហើយបានប្រាប់ឲ្យជនរងគ្រោះទៅដាក់ពាក្យបណ្តឹងនៅប៉ុស្តិ៍ភ្នំពេញថ្មី ខណ្ឌសែនសុខវិញ ព្រោះកើតហេតុនៅខណ្ឌសែនសុខ ៕
ចែករំលែកព័តមាននេះ