«The Sun» របស់អង់គ្លេសផ្សាយថា សត្វអូដ្ឋមួយគូធ្វើឱ្យអ្នកបើកបរនៅលើដងផ្លូវមួយខ្សែនៅអេមីរ៉ាតអារ៉ាប់រួមភ្ញាក់ផ្អើល ព្រោះពួកវាពាក់គ្នានៅកណ្ដាលផ្លូវ ។
អ្នកទេសចរជនជាតិអង់គ្លេសម្នាក់បានថតរូបអូដ្ឋពាក់គ្នានៅលើដងផ្លូវ«Sheikh Mohammed Zayed» តភ្ជាប់រវាងក្រុងឌូបៃ និងអាស់អាល់ខៃម៉ា ។ ខណៈនោះអ្នកបើកបរត្រូវបន្ថយល្បឿន និងក្រឡេកមើលដើម្បីកុំឱ្យគ្រោះថ្នាក់ដល់ពួកវា ។
យុវជនអាយុ២៥ឆ្នាំ ពីអៀរឡង់ខាងជើង ដែលបានថតវីដេអូឃ្លីបនិយាយថា «រូបខ្ញុំនិងមិត្ដភក្ដិ៤នាក់ទៀតធ្វើដំណើរទៅចូលរួមក្នុងពិធីជប់លៀងស្រាប់តែឃើញអូដ្ឋ២ក្បាលនោះពាក់គ្នានៅកណ្ដាលផ្លូវ គឺជារឿងអច្ឆរិយមួយដែលខ្ញុំធ្លាប់ប្រទះឃើញ ខ្ញុំបានរស់នៅទីនេះអស់រយៈពេល២ឆ្នាំហើយ ចាត់ទុកថាជាហេតុការណ៍កម្រកើតឡើង ។
យើងកំពុងបើកបររថយន្ដចេញពីឌូបៃ ដើម្បីទៅជប់លៀងហើយបានឃើញវាកំពុងរួមរ័កនៅលើដងផ្លូវដោយមានអូដ្ឋមួយក្បាលឡើងជិះលើខ្នងអូដ្ឋមួយក្បាលទៀត និងមានរថយន្ដជាច្រើនគ្រឿងបើកគេចទៅកៀនផ្លូវ» ។
ក្នុងវីដេអូឃ្លីបឮសំឡេងអូដ្ឋស្រែកឡើងគ្រហឹម ដើម្បីតបតលើអ្នកបើកបរដែលចុចស៊ីផ្លេរថយន្ដដាក់ពួកវា» ។
បុរសដែលបន្ដទៀតថា «ចាត់ទុកថាជារឿងដ៏ល្អមួយ ចាប់តាំងពីខ្ញុំផ្លាស់មករស់នៅទីនេះ ។ ពួកយើងក៏បើកចេញពីចំណុចកើតហេតុ ព្រោះមិនដឹងថា ពួកវានៅទីនេះយូរប៉ុនណា ? មានមនុស្សជាច្រើនព្យាយាមចុចស៊ីផ្លេដើម្បីបណ្ដេញពួកវាកំបុងរួមរ័ក» ៕
ចែករំលែកព័តមាននេះ