មន្ត្រីភូមិបាលម្នាក់ត្រូវគេចាក់១កាំបិត ពេលដឹកទៅពេទ្យជួបគ្រោះថ្នាក់ចរាចរណ៍ស្លា.ប់
ខេត្តស្ទឹងត្រែង ៖ កាលពីល្ងាចថ្ងៃទី៤ មិថុនា ២០១៧ តាមបញ្ជាពីលោកព្រះរាជអាជ្ញាអមសាលាដំបូងខេត្ត ការិយាល័យជំនាញនគរបាលខេត្ត បានធ្វើការស្រាវជ្រាវ
ខេត្តស្ទឹងត្រែង ៖ កាលពីល្ងាចថ្ងៃទី៤ មិថុនា ២០១៧ តាមបញ្ជាពីលោកព្រះរាជអាជ្ញាអមសាលាដំបូងខេត្ត ការិយាល័យជំនាញនគរបាលខេត្ត បានធ្វើការស្រាវជ្រាវ
ខេត្តស្ទឹងត្រែង ៖ កាលពីល្ងាចថ្ងៃទី៤ មិថុនា ២០១៧ តាមបញ្ជាពីលោកព្រះរាជអាជ្ញាអមសាលាដំបូងខេត្ត ការិយាល័យជំនាញនគរបាលខេត្ត បានធ្វើការស្រាវជ្រាវ និងឈានដល់ការឃាត់ខ្លួនជន សង្ស័យម្នាក់ ពាក់ព័ន្ធប្រើអំពើហិង្សា បណ្តាលឲ្យមរណភាពដល់ជនរងគ្រោះ។ ជសង្ស័យឈ្មោះ ស៊ុន ដារា (ប៉ន) ភេទប្រុស អាយុ២៥ឆ្នាំ នៅភូមិកាំងតេជោ ឃុំថាឡា ស្រុកថាឡាបរិវ៉ាត់។ ចំណែកជនរងគ្រោះឈ្មោះ រ៉េន រដ្ឋា ភេទប្រុស អាយុ២៨ឆ្នាំ មុខរបរជាមន្ត្រីភូមិបាលក្រុងស្ទឹងត្រែង។
ដើមចមនៃរឿងនេះត្រូវបានគេដឹងថា កាលពីថ្ងៃទី២ មិថុនា ២០១៧ នៅវេលាម៉ោង១១ និង៣០នាទីយប់ ជនសង្ស័យបានចាក់ជនរងគ្រោះ នឹងកាំបិតចិតបន្លែ ចំលើដោះផ្នែកខាងឆ្វេង នៅក្នុងបន្ទប់ជួលស្ថិតក្នុងភូមិកណ្តាល សង្កាត់ស្ទឹងត្រែង ក្រុងស្ទឹងត្រែង ដែលមានទំនាស់គ្នា។ ក្រោយពីធ្វើសកម្មភាព ជនសង្ស័យបានដឹកជនរងគ្រោះដោយម៉ូតូមួយគ្រឿងទៅកាន់មន្ទីរពេទ្យ ក្នុងគោលបំណងយកទៅព្យាបាលរបួស។
នៅពេលធ្វើដំណើរទាំងយប់ ជនសង្ស័យ និងជនរងគ្រោះបានជួបគ្រោះថ្នាក់ចរាចរណ៍ ម៉ូតូនឹងម៉ូតូបុកគ្នាបណ្តាលឲ្យស្លាប់ជនរងគ្រោះ ចំណែកជនសង្ស័យរបួសធ្ងន់។ ពេលដឹងថារឿងហេតុកើតឡើងជាន់គ្នាយ៉ាងដូច្នេះ ជនសង្ស័យបានរត់គេចខ្លួនបាត់តែម្តងទៅ។ ប៉ុន្តែនៅថ្ងៃទី៤ មិថុនា ជាថ្ងៃបោះឆ្នោតជ្រើសក្រុមប្រឹក្សាឃុំ.សង្កាត់ សមត្ថកិច្ចបានធ្វើការឃាត់ខ្លួនជនសង្ស័យ ហើយកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការតាមនីតិវិធី៕
ចែករំលែកព័តមាននេះ