ចាប់ឃាត់ខ្លួនជនសង្ស័យម្នាក់ ពីបទលួចម៉ូតូ
ខេត្តរតនគិរី ៖ ជនសង្ស័យម្នាក់ត្រូវបានកំលាំងប៉ុស្តិ៍រដ្ឋបាលឃុំសេសាន និងវរៈការពារព្រំដែនគោកលេខ៦២៣ ដឹកនាំដោយលោកអនុសេនីយ៍ទោ គង សុភី
ខេត្តរតនគិរី ៖ ជនសង្ស័យម្នាក់ត្រូវបានកំលាំងប៉ុស្តិ៍រដ្ឋបាលឃុំសេសាន និងវរៈការពារព្រំដែនគោកលេខ៦២៣ ដឹកនាំដោយលោកអនុសេនីយ៍ទោ គង សុភី និងលោកអនុសេនីយ៍ត្រី ថេង អៀប ចុះទៅចាប់់ខ្លួនដល់ផ្ទះបីបទលួចម៉ូតូ។ ការចុះចាប់ខ្លួននេះធ្វើឡើងនៅម៉ោង៩និង៣០នាទីព្រឹក ថ្ងៃទី៥ ខែមិថុនា ឆ្នាំ២០១៧ ស្ថិតនៅភូមិប៉ាដល ឃុំសេសាន ស្រុកអូយ៉ាដាវ។ ជនសង្ស័យដែលត្រូវចាប់ខ្លួនោះឈ្មោះ សេវ ប្លល ភេទប្រុស ជនជាតិទំពួនអាយុ២១ឆ្នាំមុខរបរមិនពិតប្រាកដរស់នៅភូមិឃុំខាងលើ។
សមត្ថកិច្ចដកហូតបានម៉ូតូ១គ្រឿង និងស្រាវជ្រាវរកឃើញម៉ូតូចំនួនពីគ្រឿងទៀត នៅភូមប៉ក់ធំ ឃុំប៉ក់ញ៉ៃស្រុកអូរយ៉ាដាវ ខេត្តរតនគិរី។ ដែលជនសង្ស័យខាងលើលួចបានយកទៅលក់ឱ្យឈ្មោះ ខ្លាន ថើម ភេទប្រុស ជនជាតិទំពួន មួយគ្រឿង និងឈ្មោះ ពូយ ហៀង ភេទប្រុស ជនជាតិទំពួនមួយគ្រឿង។ សមត្ថកិច្ចបានឱ្យដឹងថា ម៉ូតូទាំងពីរគ្រឿមានម្ចាសរស់នៅភូមិកិះចុង ស្រុកបរកែវ ខេត្តរតនគិរី ម្ចាស់ទី១ឈ្មោះ រចំ ល្វែង ជនជាតិទំពួន អាយុ៣២ឆ្នាំ ម៉ូតូម៉ាកវ៉េវឆ្លាម ពណ៌ខ្មៅ បានបាត់កាលពីថ្ងៃទី០៣ ខែមីនាឆ្នាំ២០១៧។
ម្ចាស់ទី២ ឈ្មោះ រចំ យេន ជនជាតិទំពួន អាយុ២៥ឆ្នាំ ម៉ូតូម៉ាកវ៉េវឆ្លាម ពណ៌ក្រហម បានបាត់កាលពីថ្ងៃទី១៩ ខែមេសា ឆ្នាំ២០១៧។ បច្ចុប្បន្នសមត្ថកិច្ចបានធ្វើការដកហូតម៉ូតូ ហើយបានធ្វើកំណត់ហេតុបញ្ជូនខ្លួនជនសង្ស័យទៅសាលាដំបូងខេត្តចាត់ការតាមនីតិវិធី៕
ចែករំលែកព័តមាននេះ