កុមារាទម្ងន់យក្សលើលោក ឥឡូវបានស្រកហើយ
ឥណ្ឌូនេស៊ី ៖ តាមប្រភពព័ត៌មាន Metro បានឲ្យដឹងថា កុមារាធ្ងន់ជាងគេលើលោក បានស្រកអស់៣១គីឡូក្រាម ក្រោយការវះកាត់បង្រួមក្រពះ។
កុមារា Arya Permana ដែលនៅ Karawang កោះជ្វាខាងលិច ប្រទេស
ឥណ្ឌូនេស៊ី ៖ តាមប្រភពព័ត៌មាន Metro បានឲ្យដឹងថា កុមារាធ្ងន់ជាងគេលើលោក បានស្រកអស់៣១គីឡូក្រាម ក្រោយការវះកាត់បង្រួមក្រពះ។
កុមារា Arya Permana ដែលនៅ Karawang កោះជ្វាខាងលិច ប្រទេសឥណ្ឌូនេស៊ី បានទទួលការវះកាត់បង្រួមក្រពះ ក្រោយពេលដឹងថា បើមិនធ្វើទេ គឺស្លាប់បាត់បង់ជីវិត។
កាលពីខែមុន ក្មេងប្រុសអាយុ១១ឆ្នាំរូបនេះ មានទម្ងន់ដល់ទៅ១៩០គីឡូក្រាម ដែលស្មើនឹងទម្ងន់របស់ក្មេង៦នាក់ចូលគ្នា។ ជាមួយនឹងទម្ងន់ដ៏ធ្ងន់ Arya មានការលំបាកលំបិនយ៉ាងខ្លាំង ក្នុងការដើរម្តងៗ។
ដោយសារតែកូនស្ថិតនៅក្នុងស្ថានភាពធ្ងន់ធ្ងរ លោក Ade និង ប្រពន្ធ Rokayah Soemantri បានយកកូនមកព្យាបាលនៅមន្ទីរពេទ្យ Omni នាទីក្រុង Jakarta។ ការវះកាត់នោះ គឺធ្វើឡើងដោយកាត់បង្រួមក្រពះរបស់ Arya ឲ្យតូចបន្តិច ដើម្បីឲ្យឆាប់ឆ្អែត និងមិនងាយឃ្លាន។ គេរំពឹងថា ក្រោយពេលវះកាត់មួយឆ្នាំ Arya នឹងស្រកបាន៩៥គីឡូក្រាម។
តាមសម្តីរបស់ម្តាយ និងឪពុកបានឲ្យដឹងថា កាលមុនពេលវះកាត់ Arya ញ៉ាំមួយថ្ងៃ៦ពេល ហើយមួយពេលៗ គឺសាច់មាន់កន្លះគីឡូក្រាម និងបាយ។
ដោយសារតែទម្ងន់ចេះតែកើនមិនឈប់ហ្នឹងហើយ ទើបធ្វើឲ្យ Arya ងាយហត់នៅពេលដើរ និងធ្វើសកម្មភាពផ្សេងៗ៕
ចែករំលែកព័តមាននេះ