សម្តេចតេជោឆ្លើយតបនឹងការលើកឡើងនូវពាក្យមិនត្រឹមត្រូវ
រាជធានីភ្នំពេញ ៖ បន្ទាប់ពីគណបក្សប្រឆំាងអះអាងថាគណបក្សខ្លួនកើនសំឡេង ហើយនឹងឈានដល់ដឹកនំារាជរដ្ឋាភិបាលនៅពេល
រាជធានីភ្នំពេញ ៖ បន្ទាប់ពីគណបក្សប្រឆំាងអះអាងថាគណបក្សខ្លួនកើនសំឡេង ហើយនឹងឈានដល់ដឹកនំារាជរដ្ឋាភិបាលនៅពេល
រាជធានីភ្នំពេញ ៖ បន្ទាប់ពីគណបក្សប្រឆំាងអះអាងថាគណបក្សខ្លួនកើនសំឡេង ហើយនឹងឈានដល់ដឹកនំារាជរដ្ឋាភិបាលនៅពេលបោះឆ្នោតឆ្នាំ២០១៨នោះ សម្តេច តេជោ ហ៊ុន សែន នាយករដ្ឋមន្ត្រីបានលើកឡើងថា ការបោះឆ្នោតឃុំ សង្កាត់នេះ គណបក្សប្រជាជនកម្ពុជាបានកើនសំឡេងជាង៣០ម៉ឺនសំឡេង ។
សម្តេច តេជោ ហ៊ុន សែន បានសរសេរលើបណ្តាញសង្គមហ្វេសប៊ុកនៅថ្ងៃទី៥ មិថុនាថា យប់មិញមានមនុស្សមួយក្រុមចេញមកអះអាងថា គណបក្សប្រជាជនចាញ់ឆ្នោត។ នេះពិតជាមនុស្សស្គាល់ត្រឹមដើមឈើ តែមិនស្គាល់ព្រៃទាំងមូលមែន។
សម្តេចបានសរសេរថាតាមតួលេខមិនទាន់ផ្លូវការចំនួនអ្នកបោះឆ្នោត6.743.329 សំឡេង គណបក្សប្រជាជនទទួលបានចំនួន 3.529.400សំឡេង ស្មើ51,39% កើនឡើងជាង ៣០ម៉ឺនសំឡេងប្រៀបនឹងការបោះឆ្នោតឆ្នាំ២០១៣។ សង្ឃឹមថាក្រុមបក្សទាំងនោះនឹងចេះបូកលេខខ្លួនឯង ហើយប្រៀបធៀបទៅនឹងអាសនៈក្នុងសភាដែលអាចបញ្ជាក់ច្បាស់រួចទៅហើយថា គណបក្សប្រជាជន នឹងនៅតែជាគណបក្សមានសំឡេងភាគច្រើនក្នុងសភា និងដឹកនាំរាជរដ្ឋាភិបាលបន្តទៀត។ សំឡេងឆ្នោត ឆ្នាំ២០១៨ នឹងមិនខុសគ្នាជាមួយសំឡេងឆ្នោតនៅពេលនេះប៉ុន្មានទេ ។
សូមជម្រាបថា ការលើកឡើងរបស់សម្តេចតេជោ ហ៊ុន សែន បន្ទាប់ពីលោក យឹម សុវណ្ណ អ្នកនំាពាក្យ គណបក្សសង្គ្រោះជាតិបានលើកឡើងក្នុងសន្និសីទសារព័ត៌មានមួយនៅស្នាក់ការគណបក្ស កាលពីយប់ថ្ងៃទី៤ មិថុនាកន្លងមកថាសម្រាប់ការបោះឆ្នោតក្រុមប្រឹក្សាឃុំ សង្កាត់អាណត្តិទី៤ គណបក្សសង្គ្រោះជាតិទទួលបានសំឡេង៤៦% ពីការបោះឆ្នោតនៅទូទំាងប្រទេស ហើយនៅឆ្នាំ២០១៨ គណបក្សសង្គ្រោះជាតិនឹងទទួលបានសំឡេង៦០% ៕
ចែករំលែកព័តមាននេះ