ការច្រាលអាស៊ីតក្នុងក្រពះគឺជារោគសញ្ញានៃជំងឺរលាកក្រពះដែលជាតិអាស៊ីតត្រូវបានផលិតលើសកំណត់ក្នុងក្រពះ បង្កឱ្យមានបញ្ហាហើមពោះ ឈឺចាប់ និងរលាក ។ ប្រសិនបើមិនបានទទួលការព្យាបាលឱ្យបានទាន់ពេល វាអាចក្លាយទៅជាជំងឺច្រាលទឹកក្រពះរ៉ាំរ៉ៃ ឬជំងឺច្រាលអាស៊ីតក្រពះបំពង់អាហារ ។
ដូច្នេះខាងក្រោមនេះគឺជាអាហារមួយចំនួនដែលអាចជួយកាត់បន្ថយបញ្ហានៃការច្រាលអាស៊ីតនេះ ។
១-ខ្ញី
ដូចដែលយើងបានដឹងរួចទៅហើយថា ខ្ញីមានអត្ថប្រយោជន៍ផ្នែកសុខភាពជាច្រើនហើយវាមានផ្ទុកអង់ស៊ីមដែលអាចជួយបន្សាបកម្រិតអាស៊ីតក្នុងក្រពះ ដែលមានប្រសិទ្ធភាពក្នុងការព្យាបាលជំងឺច្រាលអាស៊ីតក្នុងក្រពះ ។
២-ចេក
ចេកគឺជាផ្លែឈើទន់ មានរសជាតិឆ្ងាញ់ដែលអាចមានឥទ្ធិពលចំពោះក្រពះរបស់អ្នក ដោយសារវាមានតុល្យភាពpHខ្ពស់ដែលអាចកាត់បន្ថយការផលិតអាស៊ីតក្នុងក្រពះ ។
៣-យ៉ាអួ
យ៉ាងអួមានប្រូបៃអូតិចដែលអាចពាសក្រពះរបស់អ្នកដោយស្រទាប់នៃបាក់តេរីដែលល្អចំពោះសុខភាព ដូច្នេះវាអាចជួយកាត់បន្ថយការច្រាលជាតិអាស៊ីតក្នុងកម្រិតមួយយ៉ាងធំ ។
៤-បន្លែស្លឹកបៃតង
រួមជាមួយសារធាតុចិញ្ចឹមដែលមានល្អចំពោះសុខភាពផ្សេងទៀត បន្លែស្លឹកបៃតងក៏មានជាតិអាល់កាឡាំងខ្ពស់មានន័យថាពួកវាអាចបន្សាបជាតិអាស៊ីតនៅក្នុងក្រពះបានយ៉ាងមានប្រសិទ្ធភាព ។
៥-ទំពាស្ករកៅស៊ូ
ការទំពាស្ករកៅស៊ូអាចបង្កើនការផលិតទឹកមាត់នៅក្នុងមាត់ ហើយទឹកមាត់មានសមត្ថភាពដើម្បីបន្សាបអាស៊ីតក្នុងក្រពះ និងអាចព្យាបាលជំងឺច្រាលទឹកអាស៊ីតនេះផងដែរ ៕
ចែករំលែកព័តមាននេះ