ធ្វើដូចម្តេចកាត់បន្ថយអ៊័រម៉ូនស្ត្រេស
cortisol គឺអ៊័រម៉ូនស្តេរ៉ូអីុតដែលបញ្ចេញដោយក្រពេញលើតម្រងនោម ។ នៅពេលដែលរាងកាយទទួលរងការគំរាមកំហែង វានឹងរំញោចក្រពេញលើតម្រងនោមរបស់អ្នកដើម្បីបញ្ចេញអ៊័រម៉ូន cortisol និង
cortisol គឺអ៊័រម៉ូនស្តេរ៉ូអីុតដែលបញ្ចេញដោយក្រពេញលើតម្រងនោម ។ នៅពេលដែលរាងកាយទទួលរងការគំរាមកំហែង វានឹងរំញោចក្រពេញលើតម្រងនោមរបស់អ្នកដើម្បីបញ្ចេញអ៊័រម៉ូន cortisol និង
cortisol គឺអ៊័រម៉ូនស្តេរ៉ូអីុតដែលបញ្ចេញដោយក្រពេញលើតម្រងនោម ។ នៅពេលដែលរាងកាយទទួលរងការគំរាមកំហែង វានឹងរំញោចក្រពេញលើតម្រងនោមរបស់អ្នកដើម្បីបញ្ចេញអ៊័រម៉ូន cortisol និង Adrenaline។ លទ្ធផលនេះបង្កើនថាមពល និងកម្លាំងដល់អ្នក ។
រាងកាយយល់ថា ភាពតានតឹងគឺជាការគំរាមកំហែងមួយ ដែលធ្វើឲ្យគេយល់ថាអ៊័រម៉ូន cortisol ជាអ៊័រម៉ូននៃភាពតានតឹងនេះ។ នៅពេលដែលមនុស្សរស់នៅក្នុងជីវិតដែលពេញទៅដោយភាពតានតឹង កម្រិតអ៊័រម៉ូន cortisol ក្នុងរាងកាយរបស់ពួកគេនឹងកាន់តែខ្ពស់ ។ វារំខានដល់រាងកាយនិងអាចបង្កឱ្យមានបញ្ហាសុខភាពជាច្រើន ។
វាជាការសំខាន់ក្នុងការគ្រប់គ្រងកម្រិតអ៊័រម៉ូនស្ត្រេសនៅក្នុងរាងកាយរបស់អ្នក ដើម្បីការពារអ្នកពីបញ្ហាសុខភាពជាច្រើនដែលអាចកើតមានឡើងនៅពេលដែលវាមានកម្រិតខ្ពស់ពេក។ ការកាត់បន្ថយកម្រិតអ៊័រម៉ូន cortisol មិនមែនជាការលំបាកនោះទេ។ ការផ្លាស់ប្តូររបៀបរស់នៅ និងរបបអាហារមួយចំនួនអាចធ្វើឲ្យអ្នកគ្រប់គ្រងភាពតានតឹងបានយ៉ាងងាយស្រួល ។
១-ស្តាប់ភ្លេងដែលអាចបន្ធូរបន្ថយអារម្មណ៍របស់អ្នក
ពេលអ្នកមានអារម្មណ៍ស្រេ្តស ការស្តាប់ភ្លេងដែលមានចង្វាក់ យឺតៗអាចដើរតួនាទីយ៉ាងសំខាន់ក្នុងការកាត់បន្ថយកម្រិតអ៊័រម៉ូនស្ត្រេសរបស់អ្នក ។ ការណ៍ពិត ភ្លេងមានតួនាទីជាអ្នកកម្ចាត់ភាពស្ត្រេសដោយធម្មជាតិ និងជួយអ្នកឲ្យមានភាពធូរស្រាលបានយ៉ាងឆាប់រហ័ស ។
ភ្លេងថែមទាំងមានប្រយោជន៍ក្នុងការបន្ថយភាពតានតឹងចំពោះអ្នកជំងឺមុនពេលវះកាត់។ ការសិក្សាដែលបានចេញផ្សាយនៅព្រឹត្តិបត្រព្រំដែនចិត្តវិទ្យាក្នុងឆ្នាំ២០១១ បានរកឃើញថា ការស្តាប់ភ្លេងអាចកាត់បន្ថយតម្រូវការប្រើប្រាស់ថ្នាំរំងាប់ការឈឺចាប់នៅតំបន់ដែលបានប្រើប្រាស់ថ្នាំស្ពឹក ។
ដូច្នេះបើសិនអ្នកមានភាពតានតឹង សូមស្ដាប់ភ្លេងមួយចំនួនដែលអ្នកចូលចិត្ត។ ប្រសិនបើអ្នកមានជំនាញនៅក្នុងការលេងឧបករណ៍ភ្លេង អ្នកគួរតែសាកល្បងលេងឧបករណ៍ទាំងនោះដើម្បីប្រយុទ្ធប្រឆាំងនឹងភាពតានតឹងក្នុងជីវិតរបស់អ្នក ។
២-អនុវត្តការដកដង្ហើម វែងៗ
ដើម្បីអាចគ្រប់គ្រងកម្រិតអ៊័រម៉ូនស្ត្រេសរបស់អ្នក សូមអនុវត្តការដកដង្ហើម វែងៗ ។ វាជួយឱ្យរាងកាយរបស់អ្នកបានសម្រាក និងកាត់បន្ថយការថប់អារម្មណ៍ ។
នៅពេលដែលអ្នកដកដង្ហើម វែងៗ ខួរក្បាលរបស់អ្នកនឹងទទួលបានអុកស៊ីសែនកាន់តែច្រើន។ វាធ្វើឲ្យខួរក្បាលរបស់អ្នកស្ងប់ និងសម្រាក ។
៣-សើចឲ្យ ខ្លាំងៗ
មនុស្សដឹងមកជាយូរមកហើយថា ការសើចអាចធ្វើឱ្យមនុស្សសប្បាយចិត្ដ ហើយឥឡូវនេះវាជាបច្ចេកទេសដែលគេស្គាល់ច្រើនក្នុងការគ្រប់គ្រងកម្រិតអ៊័រម៉ូននៃការតានតឹង ។
ការសិក្សាមួយដោយសង្គមសរីរវិទ្យាអាមេរិកឆ្នាំ២០០៨ បានរកឃើញថា ការសើចជួយក្នុងកាកាត់បន្ថយរអ៊័រម៉ូនស្ត្រេសដែលអាចបង្កគ្រោះថ្នាក់ដល់រាងកាយ ។
លើសពីនេះ ការសើចអាចជួយសម្រាលបន្ទុកខួរក្បាលរបស់អ្នក និងធ្វើឲ្យអ្នកចេញឆ្ងាញពីភាពតានតឹង ។
៤-ទទួលទានតែក្តៅ
តែគឺជាភេសជ្ជៈដែលមនុស្សទទួលទានច្រើនបំផុតនៅលើពិភពលោក ហើយវាថែមទាំងអាចជួយកាត់បន្ថយភាពតានតឹង ។ ទាំងតែខ្មៅ និងតែបៃតងសុទ្ធតែមានលក្ខណសម្បត្តិក្នុងការកាត់បន្ថយភាពតានតឹង ។
កម្រិតសារជាតិ theanine ដ៏ខ្ពស់ដែលគេរកឃើញនៅក្នុងតែខ្មៅអាចជួយកាត់បន្ថយការកើនឡើងអ៊័រម៉ូននៃភាពតានតឹង ។ វាភ្ញោចការផលិតរលកអាល់ហ្វានៃខួរក្បាល ដែលជួយឲ្យរាងកាយរបស់អ្នកបានសម្រាក និងធ្វើឲ្យសតិអារម្មណ៍របស់អ្នកមានភាពស្វាហាប់ ។
ការសិក្សាមួយចេញផ្សាយនៅក្នុង Psychopharmacology កាលពីឆ្នាំ២០០៧ បានរកឃើញថា ការទទួលទានតែខ្មៅរយៈពេលប្រាំមួយសប្តាហ៍អាចបន្ថយភាពតានតឹង និងធ្វើឲ្យអ្នកមានភាពធូរស្រាលកាន់តែច្រើន រួមជាមួយនឹងការថយចុះនៃសកម្មភាពប្លាកែត។ លើសពីនេះទៀតតែខ្មៅមានប្រយោជន៍ដល់សុខភាពជាច្រើនទៀតដែលជួយដល់ការកាត់បន្ថយបញ្ហាស្ត្រេស ៕
ចែករំលែកព័តមាននេះ