យោងតាម YONHAP ថា កាលពីថ្ងៃទី២ មិថុនា សហរដ្ឋអាមេរិក បានសម្រេចដាក់ទណ្ឌកម្មថ្មីៗទៀត ប្រឆាំងកូរ៉េខាងចើង ដោយដាក់ក្នុងបញ្ជីខ្មៅរបស់ខ្លួននូវគណៈកម្មាធិការកិច្ចការរដ្ឋ កងទ័ពប្រជាជនកូរ៉េ ព្រមទាំងស្ថាប័នឯទៀតៗ និងបណ្តាបុគ្គលដើម្បីពង្រឹងថែមទៀតការគាបសង្កត់លើក្រុងព្យុងយ៉ាង ព្រោះតែកម្មវិធីនុយក្លេអ៊ែរ និងបាលីស្ទិករបស់ខ្លួន ។
ទណ្ឌកម្មថ្មីៗទាំងនេះកើតមានក្រោយការបាញ់សាកល្បងមីស៊ីលមួយចំនួនទទួលបានជោគជ័យរបស់កូរ៉េខាងជើងរយៈពេលប៉ុន្មានខែចុងក្រោយនេះ ដែលបង្ហាញពីការរីកចម្រើននានាក្នុងការអភិវឌ្ឍន៍មីស៊ីលប្រភេទផ្សេងៗ ក្នុងនោះមានមីស៊ីលបាលីស្ទិករំលងទ្វីបអាចបំពាក់ក្បាលគ្រាប់នុយក្លេអ៊ែរ ព្រមទាំងអាចបាញ់ដល់សហរដ្ឋអាមេរិក ។
បណ្តាទណ្ឌកម្មរបស់ក្រសួងរតនាគារអាមេរិកផ្តោតលើបុគ្គល៤រូប ក្នុងនោះមានជនជាតិរុស្ស៊ីមួយរូប ព្រមទាំងស្ថាប័ន១០ ក្នុងនោះមានគណៈកម្មាធិការកិច្ចការរដ្ឋ កងទ័ពប្រជាជនកូរ៉េ ក្រសួងការពារជាតិ មជ្ឈមណ្ឌលព័ត៌មានវិទ្យា កូរ៉េ KCC ក្រុមហ៊ុន SONGI THADING CO ក្រុមហ៊ុន KOREA ZINC INDUSTRIAL GROUP ដោយសារតួនាទីពួកគេក្នុងកម្មវិធីនានាទាក់ទិននឹងបណ្តាអាវុធសម្លាប់រង្គាល ។
គណៈកម្មាធិការកិច្ចការរដ្ឋជាអង្គការដឹកនាំកំពូលរបស់រដ្ឋ ហើយលោកគីម ជុងអ៊ុន ជាប្រធានស្ថាប័ននេះ ។ ក្នុងសេចក្តីប្រកាសមួយរតនាគារអាមេរិកថ្លែងថា បណ្តាសកម្មភាពបច្ចុប្បន្ន គឺសំដៅលើកងទ័ពកូរ៉េខាងជើង កម្មវិធីនុយក្លេអ៊ែរ បណ្តាអាវុធសម្លាប់រង្គាល ប្រាក់ចំណូលមកពីបណ្តាពលករ ធ្យូងថ្ម និងរ៉ែ ព្រមទាំងបណ្តាប្រតិបត្តិការហិរញ្ញវត្ថុនៅឯបរទេស ។ យោងតាមទណ្ឌកម្មទាំងនេះរាល់ទ្រព្យសម្បត្តិរបស់បុគ្គល និងស្ថាប័នទាំងនោះនៅសហរដ្ឋអាេមរិកនឹងត្រូវផ្អឹបទុករួចការធ្វើពាណិជ្ជកម្មជាមួយបណ្តាជនជាតិអាេមរិក និងបណ្តាសហគ្រាសអាមេរិកនឹងត្រូវហាមឃាត់ ៕
ចែករំលែកព័តមាននេះ