ពពួកផ្សិតគឺជាបញ្ហាធម្មតាដែលមនុស្សជាច្រើនបានជួបប្រទះ ហើយពេលខ្លះពួកគេមិនដឹងថាខ្លួនមានពពួកផ្សិតលើខ្លួននោះទេ។ ពពួកផ្សិតកើតឡើងនៅពេលដែលមានការលូតលាស់ផ្សិតក្នុងរាងកាយ ហើយបើ
ពពួកផ្សិតគឺជាបញ្ហាធម្មតាដែលមនុស្សជាច្រើនបានជួបប្រទះ ហើយពេលខ្លះពួកគេមិនដឹងថាខ្លួនមានពពួកផ្សិតលើខ្លួននោះទេ។ ពពួកផ្សិតកើតឡើងនៅពេលដែលមានការលូតលាស់ផ្សិតក្នុងរាងកាយ ហើយបើមិនដឹងពីរោគសញ្ញារបស់វា គឺវាពិតជាលំបាកក្នុងការចំណាំពពួកផ្សិតទាំងនោះ និងដោះស្រាយបញ្ហារបស់វា ។
ដំណោះស្រាយមួយដើម្បីកម្ចាត់ពពួកផ្សិតគឺតាមរយៈរបបអាហារ។ ដោយសារពពួកផ្សិតមានក្នុងពោះវៀន ហើយវាអាចដុះលូតលាស់ច្រើនលើសលុបនៅពេលបរិភោគអាហារខុស យើងត្រូវចៀសវាងអាហារណាដែលជំរុញការលូតលាស់របស់ផ្សិត ។
ខាងក្រោមនេះគឺជាគន្លឹះមួយចំនួនដែលអ្នកអាចអនុវត្តដើម្បីកម្ចាត់ពពួកផ្សិតចេញពីរាងកាយរបស់អ្នក ។
១-បង្កើនការទទួលទានជាតិកាកសរសៃ
បាក់តេរីដែលល្អចំពោះសុខភាព ហើយអាចប្រយុទ្ធប្រឆាំងនឹងពពួកផ្សិតក្នុងរាងកាយបាន ចូលចិត្តរស់នៅលើអាហារសម្បូរជាតិកាកសរសៃ។ ពួកវាចូលចិត្តអាហារជាតិកាកសរសៃដូចជាបន្លែ។ ការបង្កើនការទទួលទានជាតិកាកសរសៃនឹងចិញ្ចឹមបាក់តេរីដែលល្អនៅក្នុងពោះវៀន ។
២-ចៀសវាងការទទួលទានជាតិស្ករ
ផ្សិតចូលចិត្តសារធាតុកាបូអុីដ្រាត ដូច្នេះអ្នកគួរកាត់បន្ថយការទទួលទានពួកវា។ វារួមមានអាហារសម្បូរជាតិម្សៅដូចជាដំឡូង ឬគ្រាប់ធញ្ញជាតិ ព្រោះអាហារទាំងនេះអាចបំបែកជាជាតិស្ករពេលចូលក្នុងរាងកាយរបស់យើង ។
៣-ទទួលទានអាស៊ីតខ្លាញ់ដែលល្អចំពោះសុខភាព
ជាតិខ្លាញ់ដែលល្អចំពោះសុខភាពជួយពង្រឹងប្រព័ន្ធភាពស៊ាំឲ្យកាន់តែខ្លាំង ហើយអាស៊ីត acrylic ជួយបំបែកកោសិកាផ្សិត និងបណ្តាលឲ្យវាស្លាប់បាន ធ្វើឱ្យជាតិខ្លាញ់ជាឱសថប្រឆាំងនឹងពពួកផ្សិតដ៏មានប្រសិទ្ធភាព។
៤-ប្រូតេអីុន
ប្រូតេអីុនមាននាទីដូចជាតិកាកសរសៃដែរ បាក់តេរីល្អចូលចិត្តប្រូតេអីុន ហើយផ្សិតមិនអាចលូតលាស់លើជាតិខ្លាញ់ ឬប្រូតេអុីនបានទេ វាដុះបានតែលើជាតិកាបូអីុដ្រាតតែប៉ុណ្ណោះ។ អ្នកដែលមានបញ្ហាទាក់ទងនឹងពពួកផ្សិតគួរតែទទួលរបបអាហារដែលសម្បូរជាតិប្រូតេអីុន ឬជាតិកាកសរសៃ ៕
ចែករំលែកព័តមាននេះ