Zidane ថា ៖ «ខ្ញុំមាន DNA របស់ Real Madrid»
Zinedine Zidane គ្រូបង្វឹកក្រុមអធិរាជស Real Madrid ដែលទើបតែនាំក្រុមស្តេចសមួយនេះឱ្យលើកពាន La Liga លើកទី៣៣របស់ខ្លួន
Zinedine Zidane គ្រូបង្វឹកក្រុមអធិរាជស Real Madrid ដែលទើបតែនាំក្រុមស្តេចសមួយនេះឱ្យលើកពាន La Liga លើកទី៣៣របស់ខ្លួន
Zinedine Zidane គ្រូបង្វឹកក្រុមអធិរាជស Real Madrid ដែលទើបតែនាំក្រុមស្តេចសមួយនេះឱ្យលើកពាន La Liga លើកទី៣៣របស់ខ្លួន ហាក់ដូចជាមិនបារម្ភអំពីស្ថានភាពកិច្ចសន្យារបស់ខ្លួនដែលនៅសល់តែមួយឆ្នាំទៀតជាមួយនឹង Real Madrid សោះឡើយ ។ Zidane បានប្រកាសថា លោកមាន «DNA» របស់ក្រុម Real Madrid និងបាននិយាយថា ក្លឹបនេះគឺជីវិតរបស់លោក ស្របពេលដែលលោកកំពុងរៀបចំក្រុមអធិរាជស Real Madrid ត្រៀបខ្លួនសម្រាប់វគ្គផ្តាច់ព្រ័ត្រ Champions League ទល់នឹងក្រុមក្រុមសេះបង្កង Juventus ។ ក្រុម Real Madrid កំពុងខិតខំដើម្បីក្លាយជាក្រុមដំបូងក្នុងការការពារពានរង្វាន់នេះដោយសារតែការប្រកួតប្រជែងនេះត្រូវបានប្តូរឈ្មោះទៅក្នុងក្របខ័ណ្ឌ Champions League នៅពេលពួកគេធ្វើដំណើរទៅកាន់ទីក្រុង Cardiff សម្រាប់ការប្រកួតថ្ងៃសៅរ៍សប្តាហ៍នេះ ។
Zidane មិនទាន់ចុះហត្ថលេខាបន្តកិច្ចសន្យាថ្មីមួយនៅឡើយទេទោះបីជាក្រុមបានឈ្នះពានរង្វាន់លើកដំបូងរបស់ខ្លួនក៏ដោយ ។ លោកមិនសូវខ្វល់ខ្វាយពីអនាគតរបស់លោកទេ ។ Zidane បានប្រាប់ថា «ខ្ញុំនៅសល់មួយឆ្នាំទៀតសម្រាប់កិច្ចសន្យារបស់ខ្ញុំ តែវាគ្មានន័យអ្វីឡើយ ។ ខ្ញុំចង់នៅក្នុងក្លឹបនេះតែវាអាស្រ័យលើការប្រកួតពិតជាក់ស្តែង» ។ «ខ្ញុំគិតថាក្លឹបសប្បាយចិត្តនឹងអ្វីដែលពួកយើងកំពុងធ្វើ ហើយខ្ញុំចាប់អារម្មណ៍ខ្វល់ខ្វាយតែរឿងហ្នឹងទេ ។ ពេលអនាគតគឺមានតែថ្ងៃសៅរ៍ខាងមុខប៉ុណ្ណោះ ហើយគ្មានអ្វីទៀតឡើយ ។ វាពិតជាប្រាកដណាស់ថា ខ្ញុំមាន DNA របស់ក្រុម Real Madrid ស្រាប់ទៅហើយ ។ វាជាផ្ទះរបស់ខ្ញុំ ។ មនុស្សគ្រប់គ្នាតែងតែស្រឡាញ់ខ្ញុំ ហើយខ្ញុំតែងតែព្យាយាមការពារតម្លៃរបស់ក្លឹបជានិច្ច ។ ខ្ញុំធ្លាប់ជាកីឡាករ ជំនួយការគ្រូបង្វឹក និងគ្រូបង្វឹកផ្ទាល់ នៅក្នុងក្លឹបនេះ ។ ខ្ញុំតែងតែជាអ្នកគាំទ្រក្លឹបនេះព្រោះវាជាជីវិតរបស់ខ្ញុំ» ។ លោកបានបន្តថា «ខ្ញុំកំពុងរីករាយពេលនេះដោយសារតែខ្ញុំដឹងថា ថ្ងៃណាមួយវានឹងបញ្ចប់ ។ ខ្ញុំនៅលើចំណុចខ្ពស់មួយនៃការងាររបស់ខ្ញុំ ហើយយើងជិតទៅធ្វើអ្វីមួយដែលអស្ចារ្យ ។ យើងបានធ្វើការយ៉ាងលំបាកហើយនោះជាស្មារតីនៃក្រុមការងារនេះ» ។
Zidane បានបន្ថែមទៀតថា «វាជាអារម្មណ៍ដែលពិបាកទទួលយកនៅពេលដែលយើងចាញ់ការប្រកួតនៅវគ្គផ្តាច់ព្រ័ត្រ ។ វាជាផ្នែកមួយរបស់បាល់ទាត់ ។ ខ្ញុំទទួលយកនូវអ្វីដែលកីឡាបាល់ទាត់បានផ្ដល់ឱ្យខ្ញុំ ។ ពេលដែលខ្ញុំចូលក្នុងក្លឹបនេះ ខ្ញុំត្រូវតែឈ្នះពាន Champions League ជាមួយអាវក្រុមពណ៌សនេះ ។ បន្ទាប់ពីយើងបានឈ្នះការប្រកួត League វាជាអ្វីមួយដែលអស្ចារ្យ ។ ខ្ញុំសប្បាយចិត្តខ្លាំងណាស់ ។ អ្វីដែលសំខាន់បំផុតគឺត្រូវតែបញ្ចេញសមត្ថភាពឲ្យបានពេញ១០០ភាគរយជានិច្ច ។ នោះហើយជារបៀបដែលយើងបានធ្វើក្នុងអំឡុងពេលពេញមួយរដូវកាលនេះ ។ យើងនៅមានការប្រកួតផ្តាច់ព្រ័ត្រទៀត ហើយយើងនឹងព្យាយាមធ្វើអ្វីគ្រប់យ៉ាងដែលយើងអាចធ្វើបានដើម្បីឈ្នះការប្រកួតនេះ» ៕
ចែករំលែកព័តមាននេះ