រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ខណៈនេះនាល្ងាចថ្ងៃទី៣១ ឧសភា កំពុងមានការភ្ញាក់ផ្អើល និងកកកុញស្ទះចរាចរណ៍ជាខ្លាំង ស្ថិតនៅក្បែរសាកលវិទ្យាល័យសុខាភិបាលក្នុងសង្កាត់ស្រះចក ខណ្ឌដូនពេញ ក្រោយពីមានរថយន្តប៉ាហ្សេរ៉ូមួយគ្រឿង ដែលគេស្គាល់អ្នកបើកបរជាមន្ត្រីនគរបាលនាយកដ្ឋានព្រំដែន បានបើកបរទាំងស្រវឹងស្រាជោក ក៏បានជ្រុលទៅបុករះអ្នកដទៃយ៉ាងសាហាវ និងបង្កឱ្យមនុស្សម្នាក់ត្រូវរថយន្តកិនខ្ទេចក្បាលស្លាប់យ៉ាងអាណោចអាធ័ម ។
ប្រភពឱ្យដឹងថា បុរសជាអ្នកបើកបរខាងលើឈ្មោះហួ ចន្ថា អាយុ៥១ឆ្នាំ ជាមន្ត្រីនគរបាលអគ្គនាយកដ្ឋានព្រំដែន មិនបានរងរបួសនោះទេ ។ រីឯអ្នកស្លាប់ នៅមិនទាន់ស្គាល់ឈ្មោះ គ្រាន់តែដឹងថា ជាជាងកញ្ចក់ ។ ហើយភាគីខាងរងរបួសមានប្រហែល៥នាក់ និងរងការខូចខាតមានរថយន្តព្រូស១គ្រឿង, រថយន្តកាមរី១គ្រឿង, រ៉ឺម៉កអេតចាយ១គ្រឿង និងម៉ូតូមួយគ្រឿងទៀត ។
បច្ចុប្បន្ន សមត្ថកិច្ចកំពុងចុះអន្តរាគមន៍នៅកន្លែងកើតហេតុ ដោយឃាត់ខ្លួនបានអ្នកបើកបរបង្កខាងលើបានផងដែរ ។
ចែករំលែកព័តមាននេះ